ഇസ്ലാമാബാദ്: പാകിസ്ഥാൻ തലസ്ഥാനമായ ഇസ്ലാമാബാദിൽ വിവാഹ സൽക്കാരത്തിന് പിന്നാലെ വീടിനുള്ളിൽ ഗ്യാസ് സിലിണ്ടർ പൊട്ടിത്തെറിച്ച് നവദമ്പതികൾ ഉൾപ്പെടെ എട്ടുപേർ മരിച്ചു. ഞായറാഴ്ച പുലർച്ചെ ജനവാസ മേഖലയിലുള്ള വീട്ടിലായിരുന്നു നാടിനെ നടുക്കിയ ദുരന്തം അരങ്ങേറിയത്. വിവാഹാഘോഷങ്ങൾ കഴിഞ്ഞ് വധൂവരന്മാരും അതിഥികളും ഉറങ്ങിക്കിടക്കുമ്പോഴായിരുന്നു സ്ഫോടനം.

ALSO READ: അനിയന്റെ ജന്മദിനത്തിന് പോലും പോകാൻ കഴിഞ്ഞില്ല: 2.7 കോടിയുടെ ശമ്പളം വേണ്ട, 'സ്വപ്നജോലി' വലിച്ചെറിഞ്ഞ് 22-കാരൻ 

സ്ഫോടനത്തിന്റെ ആഘാതത്തിൽ വീടിന്റെ ഒരു ഭാഗം പൂർണ്ണമായും തകർന്നു വീണു. അപകടത്തിൽ ഏഴുപേർക്ക് ഗുരുതരമായി പരുക്കേറ്റിട്ടുണ്ട്. സ്ഫോടനത്തിന്റെ ശക്തിയിൽ സമീപത്തുള്ള കെട്ടിടങ്ങൾക്കും നാശനഷ്ടങ്ങൾ സംഭവിച്ചു. 

സംഭവത്തിൽ പാകിസ്ഥാൻ പ്രധാനമന്ത്രി ഷെഹ്ബാസ് ഷെരീഫ് അനുശോചനം രേഖപ്പെടുത്തുകയും പരുക്കേറ്റവർക്ക് മികച്ച ചികിത്സ ഉറപ്പാക്കാൻ നിർദ്ദേശം നൽകുകയും ചെയ്തു. സംഭവത്തിൽ സർക്കാർ ഉന്നതതല അന്വേഷണത്തിന് ഉത്തരവിട്ടിട്ടുണ്ട്.

ALSO READ: രാത്രി മുഴുവന്‍ ഗസ്സയില്‍ ആക്രമണം അഴിച്ചു വിട്ട് ഇസ്‌റാഈല്‍; മൂന്ന് ഫലസ്തീനികള്‍ കൊല്ലപ്പെട്ടു; ഏഴ് ദിവസം പ്രായമുള്ള കുഞ്ഞ് തണുത്ത് മരിച്ചു

പാകിസ്ഥാനിൽ പ്രകൃതിവാതക ലഭ്യത കുറവായതിനാൽ നഗരപ്രദേശങ്ങളിൽ ഉൾപ്പെടെ പാചകത്തിന് എൽ.പി.ജി സിലിണ്ടറുകളെയാണ് ജനങ്ങൾ പ്രധാനമായും ആശ്രയിക്കുന്നത്. സിലിണ്ടറുകളിലെ ഗ്യാസ് ചോർച്ചയോ അല്ലെങ്കിൽ അശ്രദ്ധമായി കൈകാര്യം ചെയ്തതോ ആകാം അപകടകാരണമെന്നാണ് പ്രാഥമിക നിഗമനം. സംഭവത്തെക്കുറിച്ച് പൊലിസ് വിശദമായ അന്വേഷണം നടത്തിവരികയാണ്.

eight people including the bride and groom died after a gas cylinder explosion at a wedding house. the incident caused shock and grief as celebrations turned tragic, prompting authorities to investigate safety lapses and urge precautions during household preparations nationwide