കാസര്‍കോട്: കാസര്‍കോട് കുമ്പള ആരിക്കാടിയില്‍ ടോള്‍ പിരിവിനെതിരെ പ്രതിഷേധിച്ചതില്‍ 500 പേര്‍ക്കെതിരെ കേസ്. ദേശീയപാതയില്‍ വാഹനങ്ങള്‍ക്കും പൊതുജനങ്ങള്‍ക്കും മാര്‍ഗതടസം സൃഷ്ടിച്ചു എന്ന് കാണിച്ചാണ് പൊലിസ് കേസെടുത്തിരിക്കുന്നത്.

ജില്ലാ കലക്ടര്‍ വിളിച്ചു ചേര്‍ത്ത എം.എല്‍.എമാരുടെ യോഗത്തില്‍ ടോള്‍പിരിവ് സംബന്ധിച്ച് തീരുമാനമാവാത്തതിനെ തുടര്‍ന്നാണ് പ്രതിഷേധം ശക്തമായത്.യുവജന സംഘടനകളാണ് ടോള്‍ ബൂത്തിലേക്ക് പ്രതിഷേധം നടത്തിയത്. പ്രതിഷേധത്തിനിടെ പൊലിസുമായി ഉന്തും തള്ളുമുണ്ടായിരുന്നു. സ്ഥലത്ത് വന്‍ പൊലിസ് സംഘം ക്യാംപ് ചെയ്യുകയാണ്.

ALSO READ: ആർട്‌സ് ആൻഡ് സയൻസ് കോളജുകളിൽ 48 പുതിയ തസ്തികകൾ; കായിക താരങ്ങൾ ജോലിയിൽ പ്രവേശിക്കാത്തതിനെ തുടർന്നുണ്ടായ ഒഴിവുകൾ നികത്തും

ടോള്‍ പിരിവ് തുടരുമെന്ന ദേശീയപാത അതോറിറ്റിയുടെ നിലപാടാണ് ചര്‍ച്ച പരാജയപ്പെടാന്‍ കാരണം. ടോള്‍പിരിവിനെതിരെ ആക്ഷന്‍ കമ്മറ്റിയുടെ അനിശ്ചിതകാല സത്യഗ്രഹ സമരം നടക്കുകയാണ്.  ചൊവ്വാഴ്ച മുതലാണ് അനിശ്ചിതകാല സത്യഗ്രഹ സമര ആരംഭിച്ചത്. സമരത്തിന് പിന്തുണയുമായി യൂത്ത് ലീഗ്, ഡിവൈഎഫ്‌ഐ, നാഷണല്‍ യൂത്ത് ലീഗ് തുടങ്ങിയ സംഘടനകള്‍ പ്രകടനം നടത്തി. ടോള്‍ പ്ലാസക്ക് സമീപം വന്‍ ജനക്കൂട്ടം തടിച്ച് കൂടിയതോടെ ഇവരെ മാറ്റാന്‍ പൊലിസ് ബലം പ്രയോഗിച്ചു.

ALSO READ: നട്ടെല്ല് 'വളയ്ക്കുന്നു' പുതുതലമുറ; സ്മാർട്ട് ഫോൺ ഉപയോ​ഗം 'നെക്ക് സിൻഡ്ര'ത്തിന് കാരണമാകുന്നതായി കണ്ടെത്തൽ

ഹൈക്കോടതിയില്‍ ആക്ഷന്‍ കമ്മിറ്റി നല്‍കിയ ഹരജിയില്‍ വിധി വരുന്നത് വരെ ടോള്‍ പിരിക്കരുതെന്നാണ് സമരക്കാരുടെ ആവശ്യം. എന്നാല്‍ ടോള്‍ പിരിവ് നടത്തുന്നതിന് നിലവില്‍ നിയമപരമായ തടസങ്ങളില്ലെന്നാണ് ദേശീയ പാത അധികൃതരുടെ വാദം.ചര്‍ച്ച പരാജയപ്പെട്ടതോടെ സത്യഗ്രഹ സമരം തുടരുമെന്ന് വ്യക്തമാക്കിയിരിക്കുകയാണ് എ.കെ.എം അഷ്റഫ് എം.എല്‍.എ.

police have registered a case against 500 people for protesting toll collection at kumbala arikady in kasaragod. protesters allege illegal toll collection as agitation and indefinite satyagraha continue.