മസ്‌കത്ത്: നിത്യജീവിതത്തിൽ നമ്മൾ ഏറെ ആശ്രയിക്കുന്ന ഷവോമി (Xiaomi) യുടെ ചില മോഡലുകളിലെ പോർട്ടബിൾ ചാർജറുകൾ ഗുരുതരമായ സുരക്ഷാ ഭീഷണി ഉയർത്തുന്നതായി കണ്ടെത്തി. അംഗീകൃത ഗുണനിലവാര മാനദണ്ഡങ്ങൾ പാലിക്കാത്തതിനെത്തുടർന്ന് PB2030MI എന്ന മോഡൽ ചാർജറുകൾക്കെതിരെയാണ് ഒമാൻ ഉപഭോക്തൃ സംരക്ഷണ അതോറിറ്റി (CPA) അടിയന്തര സുരക്ഷാ മുന്നറിയിപ്പ് നൽകിയത്.

ഇന്റഗ്രേറ്റഡ് കേബിളോട് കൂടിയ 'Xiaomi 33W 20000mAh' പോർട്ടബിൾ ചാർജരിനാണ് നിയന്ത്രണം ഏർപ്പെടുത്തിയിരിക്കുന്നത്. ഈ ഉപകരണം അമിതമായി ചൂടാകാൻ സാധ്യതയുണ്ടെന്നും ഇത് വലിയ തീപിടുത്തത്തിലേക്കോ കാരണമായേക്കാമെന്നും അതോറിറ്റി നടത്തിയ പരിശോധനയിൽ വ്യക്തമായി.

ALSO READ: ഒമാൻ–ഇറ്റലി നയതന്ത്ര ബന്ധം ശക്തിപ്പെടുത്തും; തന്ത്രപരമായ പങ്കാളിത്തത്തിന് സംയുക്ത പ്രസ്താവന 

ഉപഭോക്താക്കൾ ചെയ്യേണ്ടത്

ഉപയോഗം നിർത്തുക: ഈ മോഡൽ പവർ ബാങ്ക് കൈവശമുള്ളവർ അത് ഉപയോഗിക്കുന്നത് ഉടൻ തന്നെ നിർത്തണം.

സീരിയൽ നമ്പർ പരിശോധിക്കുക: ഷവോമിയുടെ ഔദ്യോഗിക വെബ്സൈറ്റ് സന്ദർശിച്ച് നിങ്ങളുടെ ഉപകരണത്തിന്റെ സീരിയൽ നമ്പർ നൽകി അത് തിരിച്ചുവിളിച്ച (Recall) ബാച്ചിൽ ഉള്ളതാണോ എന്ന് ഉറപ്പുവരുത്തുക.

പണം തിരികെ വാങ്ങുക: ഈ പ്രൊഡക്റ്റുകൾ തിരികെ നൽകാനും മുഴുവൻ തുകയും റീഫണ്ടായി വാങ്ങാനും ഉപഭോക്താക്കൾക്ക് അവകാശമുണ്ടായിരിക്കും.

ALSO READ: പച്ചപ്പും വിനോദവും ഒരുമിച്ച്; കുടുംബങ്ങൾക്കായി ‘ഷിനാസ് പബ്ലിക് പാർക്ക്’ തുറന്നു 

വിപണിയിൽ കർശന പരിശോധന

സുരക്ഷാ മാനദണ്ഡങ്ങൾ ലംഘിക്കുന്ന ഉൽപ്പന്നങ്ങൾ വിപണിയിൽ വിൽക്കുന്നില്ലെന്ന് ഉറപ്പാക്കാൻ ഒമാനിലുടനീളം പരിശോധനകൾ കർശനമാക്കിയിട്ടുണ്ട്. നിയമം ലംഘിച്ച് ഇത്തരം ഉൽപ്പന്നങ്ങൾ വിൽക്കുന്ന വ്യാപാര സ്ഥാപനങ്ങൾക്കെതിരെ കർശന നടപടി സ്വീകരിക്കുമെന്നും അതോറിറ്റി അറിയിച്ചു.

oman authorities have issued a safety warning urging users to stop using a specific xiaomi portable charger model, citing explosion risks and potential fire hazards, and advising immediate replacement to prevent accidents.