കൊച്ചി:നോവലിസ്റ്റും, ചെറുകഥാകൃത്തമായിരുന്ന സതീഷ് ബാബു പയ്യന്നൂരിന്റെ ഓര്‍മയ്ക്കായ് ഭാരത് ഭവന്‍ ഏര്‍പ്പെടുത്തിയ സംസ്ഥാനതല കലാലയ  ചെറുകഥാ മത്സരത്തില്‍ ഒന്നാം സ്ഥാനം ഷഹീര്‍ പുളിക്കലിന്. 'ഒലിവെണ്ണയുടെ മണമുള്ള മൂന്നുരാവുകള്‍' എന്ന ചെറുകഥയാണ് ഒന്നാം സ്ഥാനം നേടിയത്. സുപ്രഭാതം ഓണ്‍ലൈന്‍ സബ് എഡിറ്ററാണ്. തിരൂര്‍ തുഞ്ചത്ത് എഴുത്തച്ഛന്‍ മലയാളം യൂണിവേഴ്‌സിറ്റിയിലെ എം.എ മലയാളം ഒന്നാം വര്‍ഷ വിദ്യാര്‍ത്ഥി കൂടിയാണ്. 
ഡോ. ജോര്‍ജ്ജ് ഓണക്കൂര്‍, എ.ജി ഒലീന, കെ.ആര്‍. അജയന്‍,    സി. അനൂപ് ഭാരത് ഭവന്‍ മെമ്പര്‍ സെക്രട്ടറി ഡോ.പ്രമോദ് പയ്യന്നൂര്‍ എന്നിവര്‍ അടങ്ങിയ ജൂറിപാനലാണ് പുരസ്‌ക്കാര ജേതാക്കളെ തിരഞ്ഞെടുത്തത്. 

തിരുവനന്തപുരം നാഷണല്‍ കോളജിലെ എം.എസ്.ഡബ്ല്യൂ രണ്ടാം വര്‍ഷ വിദ്യാര്‍ത്ഥിനി മൈഥിലി രണ്ടാം സ്ഥാനത്തിനും, ഫാ. റിനു വര്‍ഗീസ് മാത്യു മൂന്നാം സ്ഥാനവും നേടി.

ജനുവരി 19 ന് ഭാരത് ഭവനില്‍ നടക്കുന്ന സതീഷ് ബാബു പയ്യന്നൂരിന്റെയും, നാടക പ്രവര്‍ത്തകനായിരുന്ന പ്രശാന്ത് നാരായണന്റെയും അനുസ്മരണ കൂട്ടായ്മയില്‍ വെച്ച് ക്യാഷ് അവാര്‍ഡും,  പ്രശസ്തി പത്രവും, ഫലകവും പുരസ്‌ക്കാര ജേതാക്കള്‍ക്ക് സമ്മാനിക്കും.