കാസർകോഡ്: കാഞ്ഞങ്ങാട് അതിഞ്ഞാലി ഗവൺമെന്റ് മാപ്പിള എൽ.പി സ്കൂളിൽ മോഷണം. അഞ്ച് ലാപ്ടോപ്പുകളും പണവുമാണ് മോഷണം പോയത്. കുട്ടികളുടെ സഞ്ജയ്ക സമ്പാദ്യ പദ്ധതിയിലെ പണമാണ് മോഷ്ടിച്ചത്. സംഭവത്തിൽ ഹൊസ്ദുർഗ് പൊലിസ് അന്വേഷണം തുടങ്ങി.

സ്കൂളിന്റെ ഓഫീസ് മുറി, ക്ലാസ്സ് റൂം, ഗോഡൗൺ എന്നിവ കുത്തിത്തുറന്ന നിലയിലായിരുന്നു ഉണ്ടായിരുന്നത്. സ്കൂളിലെ ജീവനക്കാരൻ തുറക്കാൻ എത്തിയപ്പോഴായിരുന്നു മോഷണത്തിന്റെ വിവരം അറിഞ്ഞത്. പൂട്ടുകൾ തകർത്താണ് മോഷ്ടാവ് അകത്ത് കയറിയത്.