ടോക്യോ: ജപ്പാന്‍ മുന്‍ പ്രധാനമന്ത്രി ഷിന്‍സോ ആബേയെ കൊലപ്പെടുത്തിയ കേസില്‍ പ്രതി ടെറ്റ്സുയ യമഗാമി (45) ക്ക് ജീവപര്യന്തം തടവുശിക്ഷ വിധിച്ച് ജപ്പാന്‍ കോടതി. 2022-ല്‍ തിരഞ്ഞെടുപ്പ് പ്രചരണ പരിപാടിയില്‍ സംസാരിക്കുന്നതിനിടെയാണ് അദ്ദേഹം വെടിയേറ്റ് മരിച്ചത്. 

'യുദ്ധാനന്തര ചരിത്രത്തിലെ അഭൂതപൂര്‍വവും സമൂഹത്തിലുണ്ടായ അതീവഗുരുതരവുമായ സംഭവം' എന്നാണ് പ്രോസിക്യൂട്ടര്‍മാര്‍ കൊലപാതകത്തെ വിശേഷിപ്പിച്ചത്. അതുകൊണ്ടുതന്നെ കൊലപാതകിക്ക് ജീവപര്യന്തം ശിക്ഷ നല്‍കണമെന്നും അവര്‍ ആവശ്യപ്പെട്ടിരുന്നു.

2022 ജൂലൈ എട്ടിന് പടിഞ്ഞാറന്‍ ജപ്പാനിലെ നരാ പട്ടണത്തില്‍ തെരഞ്ഞെടുപ്പ് പ്രചാരണ പരിപാടിയില്‍ സംസാരിക്കുകയായിരുന്ന ആബെയ്ക്ക് പിന്നില്‍ നിന്നാണ് വെടിയേറ്റത്. അടിയന്തര ചികിത്സയക്കായി അദ്ദേഹത്തെ ഉടന്‍ തന്നെ എയര്‍ലിഫ്റ്റ് ചെയ്ത് ആശുപത്രിയിലെത്തിച്ചെങ്കിലും അദ്ദേഹത്തെ രക്ഷിക്കാനായില്ല. 

ജപ്പാന്‍ നാവികസേനയിലെ മുന്‍ അംഗമായ പ്രതി ടെറ്റ്‌സുയ യമഗാമിയെ സംഭവസ്ഥലത്തുവച്ച് തന്നെ പൊലിസ് അറസ്റ്റ് ചെയ്തു. സ്വന്തമായി നിര്‍മിച്ച തോക്ക് ഉപയോഗിച്ചാണ് നിറയൊഴിച്ചത് എന്ന് പ്രതി സമ്മതിച്ചിരുന്നു.

A Japanese court has sentenced Tetsuya Yamagami (45), the man convicted of assassinating former Prime Minister Shinzo Abe, to life imprisonment. Abe was shot dead in 2022 while delivering a speech during an election campaign event, shocking Japan and the international community.