ഷാർജ ഖോർഫക്കാൻ തിയറ്റർ കാർണിവൽ പരേഡിനോടനുബന്ധിച്ച് ശനിയാഴ്ച നഗരത്തിൽ ഭാഗികമായി ഗതാഗത നിയന്ത്രണം ഏർപ്പെടുത്തുമെന്ന് ഷാർജ പൊലിസ് അറിയിച്ചു. പരേഡ് സുഗമമായി നടത്തുന്നതിനും പൊതുജനങ്ങളുടെ സുരക്ഷ ഉറപ്പാക്കുന്നതിനുമായാണ് താൽക്കാലികമായി റോഡുകൾ അടച്ചിടുന്നത്.

ALSO READ: കൂപ്പുകുത്തി രൂപയുടെ മൂല്യം: എക്സ്ചേഞ്ചുകൾ നൽകുന്നത് ദിർഹത്തിന് 25 രൂപയ്ക്കടുത്ത്; പ്രവാസികൾക്ക് ഒരേസമയം നേട്ടവും ആശങ്കയും

ഖോർഫക്കാൻ നഗരത്തിന്റെ പ്രവേശന കവാടത്തിലുള്ള റിംഗ് റോഡിനെയാണ് നിയന്ത്രണം പ്രധാനമായും ബാധിക്കുക. ഖോർഫക്കാൻ സ്ക്വയറിലേക്ക് നയിക്കുന്ന പാതയിലും ഗതാഗതം തടസ്സപ്പെടും. ജനുവരി 24 ശനിയാഴ്ച ഉച്ചകഴിഞ്ഞ് 3 മണി മുതൽ 4.30 വരെയാണ് നിയന്ത്രണം ഏർപ്പെടുത്തിയിരിക്കുന്നത്.

90 മിനിറ്റ് നീണ്ടുനിൽക്കുന്ന ഈ നിയന്ത്രണ സമയത്ത് വാഹനമോടിക്കുന്നവർ തങ്ങളുടെ യാത്രകൾ മുൻകൂട്ടി ആസൂത്രണം ചെയ്യണമെന്ന് പൊലിസ് അഭ്യർത്ഥിച്ചു. ഗതാഗതക്കുരുക്ക് ഒഴിവാക്കാൻ ബദൽ പാതകൾ ഉപയോഗിക്കണം. നിർദ്ദിഷ്ട സ്ഥലങ്ങളിൽ വിന്യസിച്ചിട്ടുള്ള പൊലിസ് ഉദ്യോഗസ്ഥരുടെ നിർദ്ദേശങ്ങളും ട്രാഫിക് അടയാളങ്ങളും കൃത്യമായി പാലിക്കണമെന്നും അധികൃതർ വ്യക്തമാക്കി.

ALSO READ: റൺവേ വേണ്ട, പൈലറ്റും വേണ്ട; ചരക്ക് ഗതാഗതത്തിൽ വിപ്ലവം സൃഷ്ടിക്കാനൊരുങ്ങി അബുദബിയിൽ വികസിപ്പിച്ച 'ഹിലി' വിമാനം  

നഗരത്തിലെ സാംസ്കാരിക ആഘോഷങ്ങളെ പ്രോത്സാഹിപ്പിക്കുന്നതിനൊപ്പം തന്നെ, കലാപരിപാടികളിൽ പങ്കെടുക്കുന്നവരുടെയും കാണികളുടെയും സുരക്ഷ ഉറപ്പാക്കാനാണ് ഈ നടപടികളിലൂടെ ലക്ഷ്യമിടുന്നതെന്ന് ഷാർജ പൊലിസ് കൂട്ടിച്ചേർത്തു.

sharjah police announce temporary traffic diversions in khorfakkan tomorrow closing key roads for public events urging motorists to plan alternate routes follow signage avoid delays and cooperate with authorities during restricted hours to ensure safety smooth flow and emergency access