അരീക്കോട്: കീഴുപറമ്പ് പഞ്ചായത്തില്‍ കുടുംബശ്രീയുടെ ആഭിമുഖ്യത്തില്‍ സഞ്ചരിക്കുന്ന ഓണം പെരുന്നാള്‍ ചന്ത തുടങ്ങി. കുടുംബശ്രീ പ്രവര്‍ത്തകര്‍ കൃഷി ചെയ്ത ജൈവ പച്ചക്കറികള്‍ വിപണി വിലയേക്കാള്‍ കുറഞ്ഞ നിരക്കിലാണു മൊബൈല്‍ ചന്തയില്‍ നിന്ന് ലഭിക്കുന്നത്. കിഴുപറമ്പ് പഞ്ചായത്ത് പ്രസിഡന്റ് പി.കെ കമ്മദ് കുട്ടി ഹാജി ഉദ്ഘാടനം ചെയ്തു. സ്ഥിരംസമിതി ചെയര്‍മാന്‍ നജീബ് കാരങ്ങാടന്‍, പഞ്ചായത്ത് അംഗങ്ങളായ കെ. അബൂബക്കര്‍ മാസ്റ്റര്‍, എന്‍.ടി ഹമീദലി മാസ്റ്റര്‍, സി.ഡി.എസ് പ്രസിഡന്റ് എം.സി റസിയ സംബന്ധിച്ചു.