കുവൈത്ത് സിറ്റി: കുവൈത്തിലെ ആദ്യ ഡിജിറ്റൽ ബാങ്കായ വയായ് ബാങ്ക് അബ്ദുള്ള അൽ സാലിം സർവകലാശാലയിൽ പുതിയ 'വയായ് സ്റ്റുഡന്റ് ഹാൾ' ഉദ്ഘാടനം ചെയ്തു. സ്വദേശി പ്രതിഭകളെ പിന്തുണയ്ക്കാനും ശാക്തീകരിക്കാനും വിദ്യാർഥികളുടെ പഠനം സു​ഗമമാക്കുകയുമാണ് ഇതിലൂടെ ലക്ഷ്യമിടുന്നത്. നാഷണൽ ബാങ്ക് ഓഫ് കുവൈറ്റ് ഗ്രൂപ്പിന് കീഴിലുള്ള ഉപഭോക്തൃ-ഡിജിറ്റൽ ബാങ്കിംഗ് സിഇഒ മുഹമ്മദ് അൽ ഒത്മൻ, ഗ്രൂപ്പ് ചീഫ് ഹ്യൂമൻ റിസോഴ്‌സ് ഓഫീസർ ഇമാദ് അൽ അബ്ലാനി, വയായ് ബാങ്ക് മേധാവി അമൽ അൽ ദുവൈസാൻ എന്നിവർ ഉദ്ഘാടന ചടങ്ങിൽ പങ്കെടുത്തു.

ALSO READ: വിമാന നിർമാണത്തിലും ബഹിരാകാശ ഗവേഷണത്തിലും സഹകരണം ഉറപ്പാക്കും; കുവൈത്തിൽ ബോയിംഗുമായി ഉന്നതതല ചർച്ച

അബ്ദുള്ള അൽ സാലിം സർവകലാശാലാ പ്രസിഡന്റ് പ്രൊഫ. മോന സുലൈമാൻ അൽ അഹമ്മദ്, സെക്രട്ടറി ജനറൽ ഡോ. ആദിൽ അബ്ദുള്ള അൽ ഹുസൈനാൻ എന്നിവർ സർവകലാശാലയെ പ്രതിനിധീകരിച്ച് പങ്കെടുത്തു. പഠനത്തിനിടെയിൽ ഒഴിവുസമയം ചെലവഴിക്കാൻ മികച്ച ഇടമായാണ് ഹാളിന്റെ രൂപകൽപ്പന.

ഇന്ററാക്ടീവ് ഡിജിറ്റൽ സ്പേസ്, ഡിജിറ്റൽ സ്ക്രീനുകൾ, പഠന ഇടങ്ങൾ മുതലായവ ഹാളിന്റെ പ്രത്യേകതയാണ്. ബാങ്കിംഗും അക്കാദമിക് മേഖലയും തമ്മിലുള്ള സഹകരണം വർദ്ധിപ്പിക്കാൻ ഈ നീക്കം സഹായിക്കുമെന്ന് സർവകലാശാലാ പ്രസിഡന്റ് പ്രൊഫ. മോന അൽ അഹമ്മദ് പറഞ്ഞു. 

Weyay Bank, Kuwait’s first digital bank, launched the Weyay Student Hall at Abdullah Al‑Salem University. This interactive space is designed to empower students with digital tools and a creative environment for academic growth.