മസ്‌കത്ത്: മസ്‌കത്തിലെ ബൗഷര്‍ വിലായത്തില്‍ മയക്കുമരുന്ന് കൈവശം വച്ച കേസില്‍ മൂന്ന് പ്രവാസികളെ റോയല്‍ ഒമാന്‍ പൊലീസ് അറസ്റ്റ് ചെയ്തു.ഏഷ്യന്‍ രാജ്യങ്ങളില്‍ നിന്നുളള പ്രവാസികളാണ് പിടിയിലായത്.

പൊലീസ് നടത്തിയ പരിശോധനയില്‍ ഇവരുടെ കൈവശത്തില്‍ നിന്ന് ക്രിസ്റ്റല്‍ മെത്ത്, ഹാഷിഷ്, ഗാഞ്ച, മാനസികാവസ്ഥയെ ബാധിക്കുന്ന ഗുളികകള്‍ എന്നിവ കണ്ടെത്തിയതായി അറിയിച്ചു.

അറസ്റ്റിലായവര്‍ക്കെതിരെ ഒമാനിലെ മയക്കുമരുന്ന് നിയമങ്ങള്‍ പ്രകാരം തുടര്‍നടപടികള്‍ ആരംഭിച്ചിട്ടുണ്ട്. മയക്കുമരുന്നുകള്‍ വ്യക്തിപരമായ ഉപയോഗത്തിനും വിതരണനത്തിനുമുളളതാണെന്ന സംശയവും പൊലീസ് അറിയിച്ചു. മയക്കുമരുന്ന് ഉപയോഗവും വ്യാപനവും തടയാന്‍ ശക്തമായ നടപടികള്‍ തുടരുന്നതായും പൊലീസ് വ്യക്തമാക്കി.

ALSO READ: മസ്‌കത്തില്‍ ഒമാന്‍-യൂറോപ്യന്‍ യൂണിയന്‍ സംയുക്ത മനുഷ്യാവകാശ സംവാദം

ഇത്തരത്തിലുളള  ലഹരിവസ്തുക്കള്‍ സമൂഹത്തിന് വലിയ ഭീഷണിയാണെന്നും, പൊതുസുരക്ഷ ഉറപ്പാക്കുന്നതിനായി രാജ്യത്തുടനീളം പരിശോധനകളും നിരീക്ഷണങ്ങളും കൂടുതല്‍ ശക്തമാക്കുമെന്നും അധികൃതര്‍ അറിയിച്ചു.

Three expatriates were arrested by the Royal Oman Police in Bausher Wilayat, Muscat, for possessing illegal drugs. Authorities said legal action has been initiated under Oman’s drug laws.