ന്യൂഡല്‍ഹി: ലോക്‌സഭയിലെ പ്രതിപക്ഷ പ്രതിഷേധത്തില്‍ ഡീന്‍ കുര്യാക്കോസ്, ഹൈബി ഈഡന്‍ ഉള്‍പ്പെടെയുള്ള എം.പിമാര്‍ക്ക് സസ്‌പെന്‍ഷന്‍. ലോക്‌സഭയിലെ ബഹളത്തിനിടെ സെക്രട്ടറി ജനറലിന്റെ മേശപ്പുറത്ത് കയറിയതിനും കടലാസുകള്‍ കീറിയെറിഞ്ഞതിനുമാണ് നടപടി. 

ഹൈബി ഈഡനും ഡീന്‍ കുര്യാക്കോസിനും പുറമേ കോണ്‍ഗ്രസ് എം.പിമാരായ മണിക്കം ടാഗോര്‍, അമരീന്ദര്‍ സിംഗ് രാജ വാറിംഗ്, ഗുര്‍ജത് ഔജ്‌ല, പ്രശാന്ത് പടോളെ, കിരണ്‍ കുമാര്‍ റെഡ്ഡി എന്നിവര്‍ക്കും സി.പി.എം അംഗം സു വെങ്കിടേശനുമെതിരെയാണ് സ്പീക്കറുടെ നടപടി.

മുന്‍ കരസേന മേധാവി എം.എം. നരവനെയുടെ ഓര്‍മക്കുറിപ്പിലെ പരാമര്‍ശത്തെച്ചൊല്ലി ലോക്സഭ ഇന്നും പ്രക്ഷുബ്ധമായിരുന്നു. ബഹളത്തെത്തുടര്‍ന്ന് സഭ ഇന്നത്തേക്ക് പിരിഞ്ഞു.

സസ്പെന്‍ഷനില്‍ പ്രതിഷേധിച്ച് എംപിമാര്‍ പ്രതിപക്ഷ നേതാവായ രാഹുല്‍ഗാന്ധിയുടെ നേതൃത്വത്തില്‍ പാര്‍ലമെന്റ് കവാടത്തിന് മുന്നില്‍ ധര്‍ണ ആരംഭിച്ചിട്ടുണ്ട്.