തിരുവനന്തപുരം: എസ്.ഐ.ആര്‍ നടപടികളില്‍ വ്യാപകമായ ക്രമക്കേട് ആരോപണം ഉയര്‍ന്ന സാഹചര്യത്തിലാണ് സംസ്ഥാന സര്‍ക്കാര്‍ പുതിയ നേറ്റിവിറ്റി കാര്‍ഡ് അവതരിപ്പിച്ചത്. സംസ്ഥാനത്തിന് കീഴില്‍ നല്‍കുന്ന ആനുകൂല്യങ്ങള്‍ കൈപ്പറ്റുന്നതിന് ഉപഭോകൃത തിരിച്ചറിയല്‍ രേഖയായും കാര്‍ഡ് പരഗണിക്കാനാണ് തീരുമാനം. ജന്മം കൊണ്ട് കേരളീയനായ ഏതൊരാള്‍ക്കും നേറ്റിവിറ്റി കാര്‍ഡിന് അര്‍ഹതയുണ്ടാവും. 

നേറ്റിവിറ്റി കാര്‍ഡില്‍ പൗരന്റെ പേര്, ജനന വര്‍ഷം, സ്വദേശി പദവി, മാതാപിതാക്കളുടെ പേരുവിവരം, സ്ഥിര മേല്‍വിലാസം, റേഷന്‍ കാര്‍ഡ് നമ്പര്‍, ആധാര്‍ കാര്‍ഡ് നമ്പര്‍, ഇലക്ഷന്‍ ഐഡി കാര്‍ഡ് നമ്പര്‍ എന്നിവ ഉള്‍പ്പെടുത്തും. 

ALSO READ: ഇത് ജനങ്ങളുടെ വിജയം; പ്രതിഷേധങ്ങള്‍ക്ക് പിന്നാലെ കാസര്‍ഗോഡ് കുമ്പളയിലെ ടോള്‍ പിരിവ് നിര്‍ത്തലാക്കി കേന്ദ്രം  

ഈ സാഹചര്യത്തില്‍ പുതിയ നേറ്റിവിറ്റി കാര്‍ഡിന്റെ മാനദണ്ഡങ്ങള്‍ നമുക്കൊന്ന് പരിശോധിക്കാം. 

കാര്‍ഡ് ആര്‍ക്കൊക്കെ? 

1. 1. മാതാപിതാക്കള്‍ രണ്ടുപേരും  കേരളത്തില്‍ ജനിച്ചവര്‍ക്ക്. 
2. 2. മാതാപിതാക്കളില്‍ ഒരാള്‍ കേരളത്തില്‍ ജനിച്ചു വളര്‍ന്നയാളും മറ്റേയാള്‍ മറ്റൊരു സംസ്ഥാനത്ത് ജനിച്ചയാളും വിവാഹശേഷം രണ്ടുപേരും കേരളത്തില്‍ സ്ഥിരതാമസമാക്കായിരിക്കുകയും ചെയ്താല്‍. 

കേരളത്തിന് പുറത്ത് താമസിക്കുന്ന ദമ്പതികള്‍ക്ക് അവിടെ ജനിക്കുന്ന കുട്ടികള്‍ക്ക് കാര്‍ഡിനുള്ള അപേക്ഷ ഓണ്‍ലൈനായി സമര്‍പ്പിക്കാന്‍ ഇ-ഡിസ്ട്രിക്ട് പോര്‍ട്ടലില്‍ സംവിധാനം ഒരുക്കും. അപേക്ഷകള്‍ വില്ലേജ് ഓഫീസര്‍ക്കാണ് നല്‍കേണ്ടത്.