കാസര്‍ഗോഡ്: ജനകീയ പ്രതിഷേധങ്ങള്‍ക്ക് പിന്നാലെ കാസര്‍ഗോഡ് കുമ്പള ആരിക്കാടിലെ ടോള്‍ പിരിവ് നിര്‍ത്തലാക്കി. പിരിവ് നിര്‍ത്താന്‍ കേന്ദ്ര ഉപരിതല ഗതാഗത മന്ത്രാലയം തീരുമാനിച്ചു. ജനകീയ സമരത്തില്‍ പങ്കെടുത്ത മുഴുവന്‍ ജനങ്ങളെയും അഭിവാദ്യം ചെയ്ത് അഷ്‌റഫ് എംഎല്‍എ രംഗത്തെത്തി. 

60 കിലോമീറ്ററിനുള്ളില്‍ രണ്ട് ടോള്‍ പ്ലാസകള്‍ പാടില്ലെന്ന കേന്ദ്ര സര്‍ക്കാര്‍ നിര്‍ദേശം കാറ്റില്‍ പറത്തിയാണ് തലപ്പാടിക്ക് പുറമെ കുമ്പള അരിക്കാടിയിലും ഗതാഗത മന്ത്രാലയം ടോള്‍ ബൂത്ത് സ്ഥാപിച്ചത്. ഇതിനെതിരെ ശക്തമായ പ്രതിഷേധം ഉയര്‍ന്നിരുന്നു. ജനുവരി ആദ്യവാരം മുതല്‍ ജനങ്ങളുടെയും, വിവിധ രാഷ്ട്രീയ പാര്‍ട്ടികളുടെയും നേതൃത്വത്തില്‍ ആക്ഷന്‍ കമ്മിറ്റി രൂപീകരിക്കുകയും പ്രതിഷേധം ആരംഭിക്കുകയും ചെയ്തു. പിന്നാലെ പ്രദേശത്ത് സംഘര്‍ഷ സാധ്യത ഉടലെടുക്കുകയും പൊലിസ് നടപടി സ്വീകരിക്കുകയും ചെയ്തിരുന്നു. ശക്തമായ പ്രതിഷേധങ്ങള്‍ക്ക് പിന്നാലെയാണ് കേന്ദ്ര സര്‍ക്കാര്‍ തീരുമാനം തിരുത്തിയത്. 

ALSO READ: മണിപ്പൂർ സമാധാനത്തിലേക്ക്? പുതിയ സർക്കാർ അധികാരത്തിലേക്ക് 

അതേസമയം ജനകീയ സമരത്തിന്റെ വിജയമാണ് കേന്ദ്ര സര്‍ക്കാര്‍ കീഴടങ്ങലെന്ന് എ.കെ.എം അഷ്‌റഫ് എംഎല്‍എ പ്രതികരിച്ചു. ഫേസ്ബുക്കിലൂടെയാണ് അദ്ദേഹത്തിന്റെ പ്രതികരണം.

following widespread protests, the toll collection at kumbla arikkad in kasargod has been stopped. the decision to halt the collection was made by the central ministry of surface transport. mla ashraf attended the site, greeting all the people who participated in the public protest.