മനാമ: 2026ല്‍ നടക്കുന്ന ആറാമത് ബഹ്‌റൈന്‍ അന്താരാഷ്ട്ര ചലച്ചിത്രമേളയ്ക്ക് ലോകമെമ്പാടുമുള്ള സിനിമാപ്രവര്‍ത്തകരില്‍ നിന്ന് അപേക്ഷകള്‍ സ്വീകരിക്കുന്നു. ഫീച്ചര്‍ ഫിലിം, ഹ്രസ്വചിത്രം, ഡോക്യുമെന്ററി, അനിമേഷന്‍ എന്നീ വിഭാഗങ്ങളിലായി ചിത്രങ്ങള്‍ സമര്‍പ്പിക്കാം.

ഗള്‍ഫ് മേഖലയിലെ ശ്രദ്ധേയമായ സാംസ്‌കാരിക പരിപാടികളിലൊന്നായി മാറിയ മേള, പുതുമുഖ സംവിധായകരെയും പരിചയസമ്പന്നരായ സിനിമാപ്രവര്‍ത്തകരെയും ഒരുപോലെ സ്വാഗതം ചെയ്യുന്ന വേദിയാണെന്ന് സംഘാടകര്‍ അറിയിച്ചു. സാമൂഹിക, സാംസ്‌കാരിക, പരിസ്ഥിതി വിഷയങ്ങള്‍ ആസ്പദമാക്കിയ സിനിമകള്‍ക്ക് മേളയില്‍ പ്രത്യേക പ്രാധാന്യം നല്‍കും.

മുന്‍ വര്‍ഷങ്ങളില്‍ രാജ്യാന്തര തലത്തില്‍ ശ്രദ്ധ നേടിയ നിരവധി സിനിമകള്‍ മേളയിലൂടെ പ്രദര്‍ശിപ്പിക്കപ്പെട്ടിട്ടുണ്ട്. സിനിമാ പ്രദര്‍ശനങ്ങള്‍ക്ക് പുറമെ സംവാദങ്ങള്‍, മാസ്റ്റര്‍ക്ലാസുകള്‍, നെറ്റ്‌വര്‍ക്കിംഗ് സെഷനുകള്‍ എന്നിവയും മേളയുടെ ഭാഗമായി സംഘടിപ്പിക്കും.

ALSO READ: ജീവിതച്ചെലവ് കുറയ്ക്കാന്‍ പൗരന്മാരുടെ വൈദ്യൂതി നിരക്ക് കുറച്ച് ബഹ്‌റൈന്‍

മേളയിലേക്ക് അപേക്ഷകള്‍ സമര്‍പ്പിക്കാനുള്ള അവസാന തീയതി 2026 ജൂണ്‍ 30 ആണെന്ന് സംഘാടകര്‍ അറിയിച്ചു. തിരഞ്ഞെടുക്കപ്പെടുന്ന സിനിമകള്‍ മേളയുടെ പ്രധാന വേദിയില്‍ പ്രദര്‍ശിപ്പിക്കും.

Applications are now open for the sixth edition of the Bahrain International Film Festival 2026. Filmmakers from around the world can submit feature films, short films, documentaries and animations.