കുവൈത്ത് സിറ്റി: സോഷ്യൽ മീഡിയ പ്ലാറ്റ്‌ഫോമുകൾ വഴി നടക്കുന്ന സാമ്പത്തിക തട്ടിപ്പുകൾക്കെതിരെ ജാ​ഗ്രതാ മുന്നറിയിപ്പുമായി കുവൈത്ത് സെൻട്രൽ ബാങ്ക് (CBK). വ്യാജ നിക്ഷേപങ്ങൾ വാ​ഗ്ദാനം നൽകി പണം തട്ടുന്ന സംഘം സജീവമായതിനെത്തുടർന്നാണ് നിർ​ദേശം. ടെലിഗ്രാം ചാനലുകൾ, ഫിഷിംഗ് ലിങ്കുകൾ വഴി നിരവധി ചതിക്കുഴികൾ അടങ്ങിയിട്ടുണ്ടെന്നും പൊതുജനങ്ങളോട് പറഞ്ഞു.

ALSO READ: ഏഴ് അധ്യാപകരെ സസ്പെൻഡ് ചെയ്ത് കുവൈത്ത് സർക്കാർ; നടപടി പാഠപുസ്തക ചോർച്ചയും വിദ്യാർത്ഥി പീഡനവും ഉൾപ്പെടെ ഗുരുതര ആരോപണങ്ങൾ ഉയർന്നതിനുപിന്നാലെ

ടിക് ടോക് വഴി റിയൽ എസ്റ്റേറ്റ് ഏജന്റ് കബളിപ്പിച്ചതിനെത്തുടർന്ന് ഇഷ്‌ബിലിയയിൽ വീട് വാടകയ്‌ക്ക് എടുക്കാൻ ശ്രമിച്ച പാകിസ്ഥാൻ സ്വദേശിയായ യുവാവിനും കുടുംബത്തിനും തട്ടിപ്പിലൂടെ നഷ്ടമായത്  100 ദിനാറാണ്. പണമടയ്ക്കാൻ ഒരു ലിങ്ക് അയച്ചുകൊടുത്ത് ലിങ്ക് വഴി പണമടയ്ക്കുകയായിരുന്നു. പിന്നീട് ഉടമയെ നേരിട്ട് കണ്ടപ്പോഴാണ് തങ്ങൾ ചതിക്കപ്പെട്ട വിവരം ഇവർ അറിയുന്നത്. തുടർന്ന് പൊലീസിൽ പരാതി നൽകിയപ്പോഴാണ് സമാനമായ രീതിയിൽ മറ്റ് മൂന്ന് കുടുംബങ്ങൾ കൂടി പരാതി നൽകിയിട്ടുണ്ടെന്ന് അറിഞ്ഞത്. ഏജന്റ് നൽകിയ സിവിൽ ഐ.ഡി വ്യാജമാണെന്നും പൊലീസ് കണ്ടെത്തി. 

പൊലീസിന്റെ ജാ​ഗ്രതാ നിർദേശങ്ങൾ
    
*പണമടയ്ക്കാൻ ആവശ്യപ്പെട്ട് വരുന്ന അജ്ഞാത ലിങ്കുകളിൽ ക്ലിക്ക് ചെയ്യരുത്.
*വ്യക്തിഗത വിവരങ്ങളോ പണമോ നൽകുന്നതിന് മുൻപ് സ്ഥാപനങ്ങളുടെയും വ്യക്തികളുടെയും ആധികാരികത    ഉറപ്പുവരുത്തുക.
* ഇത്തരം തട്ടിപ്പുകൾക്ക് ഇരയായാൽ ഉടൻ തന്നെ പൊലീസിൽ വിവരമറിയിക്കുക.

The Central Bank of Kuwait warns against rising financial fraud on social media, including Telegram investment scams. A family in Ishbiliya recently lost money to a fake real estate agent on TikTok using fraudulent links and IDs.