തിരുവനന്തപുരം: ഭാര്യയ്ക്കും അവരുടെ അമ്മയ്ക്കുമെതിരെ ആരോപണവുമായി സമൂഹമാധ്യമത്തില്‍ വീഡിയോ പോസ്റ്റ് ചെയ്ത ശേഷം യുവാവ് ജീവനൊടുക്കി. വിളവൂര്‍ക്കല്‍ ഈഴക്കോട് ഗ്രീന്‍വില്ല ഗാര്‍ഡന്‍സില്‍ പാലാഴി പ്രദീപി(44)നെയാണ് തൂങ്ങിമരിച്ച നിലയില്‍ കണ്ടെത്തിയത്. 

കഴിഞ്ഞദിവസ രാത്രിയാണ് സാമൂഹ്യ മാധ്യമത്തില്‍ വീഡിയോ പോസ്റ്റ് ചെയ്തതിന് ശേഷം വീടിന്റെ കാര്‍പോര്‍ച്ചിലെ സീലിംഗ് ഹുക്കില്‍ പ്രദീപിനെ തൂങ്ങിമരിച്ച നിലയില്‍ കണ്ടെത്തിയത്. 

ALSO READ: ഫോണ്‍ കേടായിട്ട് രണ്ട് ദിവസം, നന്നാക്കാനായില്ല; തിരുവല്ലയില്‍ നഴ്‌സിങ് വിദ്യാര്‍ഥി തൂങ്ങിമരിച്ച നിലയില്‍

രണ്ടാം ഭാര്യയായ തച്ചോടുകാവ് സ്വദേശി പ്രിയയുമായി ഒന്നിച്ച് താമസിച്ചുവരികയായിരുന്നു. ആദ്യ വിവാഹത്തിലെ മകളും ഒപ്പമുണ്ടായിരുന്നു. ഇതിനിടെ വീണ് കാലൊടിഞ്ഞ് ചികിത്സയില്‍ കഴിഞ്ഞുവരവേ പ്രിയയുമായി കുടുംബപരമായ കാര്യങ്ങളില്‍ പിണങ്ങിയതായാണ് വിവരം. പ്രദീപിന് വന്‍ സാമ്പത്തിക ബാധ്യതയുണ്ടായിരുന്നതായും കുറിപ്പിലുണ്ട്. പണം കൊടുക്കാനുള്ളവരുടെ പേരും കുറിപ്പിലുണ്ട്. കഴിഞ്ഞ ഒന്നരമാസമായി പ്രദീപ് ഒറ്റയ്ക്കാണ് വീട്ടില്‍ താമസിച്ചിരുന്നത്. 

കഴിഞ്ഞ എട്ട് വര്‍ഷമായി തച്ചോട്ട് കാവ് ജംഗ്ഷനു സമീപം തച്ചോട്ട് എന്ന പേരില്‍ ഹോട്ടല്‍ നടത്തിവരികയായിരുന്നു പ്രദീപ്. രണ്ടാം ഭാര്യയും അമ്മയും ഹോട്ടലിന് മുന്‍വശമുള്ള വര്‍ക്ക്‌ഷോപ്പ് ഉടമയും ജീവിക്കാന്‍ അനുവദിക്കുന്നില്ലെന്നാണ് ആത്മഹത്യാകുറിപ്പ്. അസ്വഭാവിക മരണത്തിന് കേസെടുത്ത് മലയന്‍കീഴ് പൊലിസ് അന്വേഷണം ആരംഭിച്ചു. 

A 44-year-old man died by suicide after posting a video on social media alleging harassment by his second wife and her mother in Thiruvananthapuram. The deceased has been identified as Palazhi Pradeep, a resident of Green Villa Gardens, Ezhakkode, Vilavurkkal.