തിരുവല്ല: കുറ്റൂരില്‍ നഴ്‌സിങ് വിദ്യാര്‍ഥി വീടിനുള്ളില്‍ തൂങ്ങിമരിച്ച നിലയില്‍. തിരുവല്ല കുറ്റൂര്‍ സ്വദേശി ആരോണ്‍ അനില്‍ ജോസ് (19)ആണ് മരിച്ചത്. തമിഴ്‌നാട്ടിലെ നഴ്‌സിങ് കോളജില്‍ ഒന്നാംവര്‍ഷ വിദ്യാര്‍ഥിയായ ആരോണ്‍ ഇന്നലെ കോളജിലേക്ക് തിരികെ പോകാനിരുന്നതാണ്. 

ഞായറാഴ്ച്ച രാത്രി ഒന്‍പത് മണിക്കാണ് സംഭവം, ഉപയോഗിച്ചുകൊണ്ടിരുന്ന ഫോണ്‍ രണ്ട് ദിവസമായി തകരാറിലായിരുന്നതിനാല്‍ ആരോണ്‍ മനോവിഷമത്തിലായിരുന്നു. ഇതാണ് ആത്മഹത്യയ്ക്ക് കാരണമെന്നാണ് സൂചന. സംഭവസമയം ആരോണ്‍ മാത്രമാണ് വീട്ടിലുണ്ടായിരുന്നത്. മാതാവ് മകള്‍ക്കൊപ്പം കാനഡയിലാണ്. 

ALSO READ: ചൂട് കൂടും... സംസ്ഥാനത്ത് ജാഗ്രതാ നിര്‍ദ്ദേശം; പകല്‍ 11 മുതല്‍ 3 വരെ സൂര്യപ്രകാശം തുടര്‍ച്ചയായി ഏല്‍ക്കുന്നത് ഒഴിവാക്കണം

ആത്മഹത്യയുടെ കൃത്യമായ കാരണം ഇതുവരെ വ്യക്തമായിട്ടില്ല. സംഭവത്തില്‍ പൊലിസ് കൂടുതല്‍ അന്വേഷണം നടത്തി വരികയാണ്.