ഒട്ടാവ: കാനഡയിലെ സ്‌കൂളില്‍ വെടിവെപ്പ്. വെടിവെപ്പില്‍ പത്ത് പേര്‍ കൊല്ലപ്പെട്ടു. 25 പേര്‍ക്ക് പരുക്കേറ്റതായും പൊലിസ് അറിയിച്ചു. കൊല്ലപ്പെട്ടവരില്‍ ഒരാള്‍ അക്രമിയാണെന്നാണ് കരുതുന്നതെന്നും പൊലിസ് വ്യക്തമാക്കി.

അക്രമി ഒരു സ്ത്രീയാണ്. ഇവര് സ്വയം വെടിവെച്ച് മരിച്ചതാവാനാണ് സാധ്യതയെന്നും പൊലിസ് പറഞ്ഞു. പ്രദേശത്ത് കൂടുതല്‍ പൊലിസിനെ വിന്യസിച്ചിട്ടുണ്ട്. സ്‌കൂള്‍ ഒരാഴ്ചത്തേക്ക് അടച്ചിടും.  

ആറ് പേര്‍ സ്‌കൂളിനുള്ളില്‍ വെച്ചാണ് കൊല്ലപ്പെട്ടത്.  ഒരാള്‍ ആശുപത്രിയിലേക്കുള്ള വഴിയിലാണ് മരിച്ചത്, രണ്ട് പേരെ സമീപത്തെ താമസസ്ഥലത്തും കണ്ടെത്തി.

ALSO READ: ആണവ ചര്‍ച്ച: ട്രംപ്-നെതന്യാഹു കൂടിക്കാഴ്ച ഇന്ന്; ഭീഷണികള്‍ക്കു മുന്നില്‍ തലകുനിക്കാതെ ഇറാന്‍ 

ഗുരുതരമായി പരുക്കേറ്റ രണ്ട് പേരെ എയര്‍ലിഫ്റ്റ് ചെയ്താണ് ആശുപത്രിയിലെത്തിച്ചത്. 
ആക്രമണത്തില്‍ മറ്റാര്‍ക്കെങ്കിലും പങ്കുണ്ടോ എന്ന് പൊലിസ് അന്വേഷിക്കുകയാണ്. ജീവനക്കാരും വിദ്യാര്‍ത്ഥികളും ഉള്‍പ്പെടെ ഏകദേശം 100 പേരെ സ്‌കൂളില്‍ നിന്ന് സുരക്ഷിതമായി ഒഴിപ്പിച്ചതായി ആര്‍സിഎംപിയുടെ നോര്‍ത്ത് ഡിസ്ട്രിക്റ്റ് ചീഫ് സൂപ്രണ്ട് കെന്‍ ഫ്‌ലോയ്ഡ് പറഞ്ഞു. വെടിവയ്പ്പിന് പ്രേരണ എന്താണെന്ന് പോലീസിന് ഇതുവരെ മനസ്സിലായിട്ടില്ലെന്നും അദ്ദേഹം കൂട്ടിച്ചേര്‍ത്തു. 

സംഭവസമയത്ത് മറ്റ് കുട്ടികളോടൊപ്പം ഒരു ക്ലാസ് മുറിയിലെ ഒരു അലമാരയില്‍ ഒളിച്ചിരിക്കേണ്ടിവന്നതായി സ്‌കൂളിലെ ഒരു ഒമ്പതാം ക്ലസ് വിദ്യാര്‍ഥി പ്രതികരിച്ചു. സംഭവത്തില്‍ കനേഡിയന്‍ പ്രധാനമന്ത്രി അപലപിച്ചു. 

ten people were killed and 25 injured in a school shooting in canada. police say the suspected female attacker is believed to have died from a self-inflicted gunshot wound. investigation is ongoing.