സിഎം റിസർച്ചർ സ്‌കോളർഷിപ്പ്: അപേക്ഷ ക്ഷണിച്ചു 

സംസ്ഥാന സർവകലാശാലകളിലെ സ്ഥിരം ഗവേഷണ വിദ്യാർഥികൾക്കുള്ള സിഎം റിസർച്ചർ സ്‌കോളർഷിപ്പിനായി 2023, 2024 വർഷത്തിൽ പ്രവേശനം നേടിയവരിൽനിന്ന് അപേക്ഷകൾ ക്ഷണിച്ചു. JRF, MANF, RGNF, PMRF, കേന്ദ്ര/സംസ്ഥാന സർക്കാരിന്റെയോ സർവകലാശാലകളുടെയോ മറ്റു ഫെല്ലോഷിപ്പുകളോ സഹായമോ ലഭിക്കാത്ത വിദ്യാർഥികളായിരിക്കണം അപേക്ഷകർ. ഫെബ്രുവരി 20നകം അപേക്ഷ സമർപ്പിക്കണം. വിശദവിവരങ്ങൾക്ക്: collegiateedu.kerala.gov.in, www.dcescholarship.kerala.gov.in. ഫോൺ: 9447096580.

കമ്മ്യൂണിക്കേഷൻ പരിശീലകർക്ക് അവസരം 

കേരള ഡെവലപ്പ്മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ (K-DISC), വ്യക്തിത്വ വികസന പരിശീലകരുടെ (Personality Development Professionals) എംപാനൽമെന്റിനായി അപേക്ഷ ക്ഷണിച്ചു. ഏതെങ്കിലും വിഷയത്തിലുള്ള ബിരുദവും സോഫ്റ്റ് സ്‌കിൽ/കമ്മ്യൂണിക്കേഷൻ പരിശീലന രംഗത്ത് കുറഞ്ഞത് രണ്ട് വർഷത്തെ പ്രവൃത്തിപരിചയവുമാണ് യോഗ്യത. താൽപര്യമുള്ളവർ അപേക്ഷാ ഫോം, സി.വി, സർട്ടിഫിക്കറ്റുകളുടെ പകർപ്പുകൾ എന്നിവ [email protected] എന്ന ഇമെയിലിലേക്ക് ഫെബ്രുവരി 15നു മുൻപായി അയക്കണം. കൂടുതൽ വിവരങ്ങൾക്ക്: 0471 2320101, cmd.kerala.gov.in/recruitment. 

ALSO READ: കുസാറ്റിൽ പോസ്റ്റ് ഡോക്ടറൽ ഫെലോ; കാലിക്കറ്റിൽ അസി. പ്രൊഫസർ

കീം: കോഴ്സുകൾ കൂട്ടിച്ചേർക്കൻ അവസരം 

കീം 2026 മുഖേന എൻജിനീയറിങ്, ഫാർമസി, ആർക്കിടെക്ചർ, മെഡിക്കൽ അല്ലെങ്കിൽ മെഡിക്കൽ അനുബന്ധ കോഴ്സുകൾ എന്നിവയിൽ ഏതെങ്കിലും കോഴ്സുകളിലേക്ക് ഓൺലൈനായി അപേക്ഷ സമർപ്പിച്ചിട്ടുള്ള അപേക്ഷകർക്ക്, പുതിയ കോഴ്സുകൾ കൂടി കൂട്ടിച്ചേർക്കുന്നതിന് (Course Addition) ഇന്നു വൈകുന്നേരം 5 വരെ www.cee.kerala.gov.in ലൂടെ സാധിക്കും. ആർക്കിടെക്ചർ (B.Arch) കോഴ്സ് കൂട്ടിച്ചേർക്കുന്നവർ കൗൺസിൽ ഓഫ് ആർക്കിടെക്ചർ നടത്തുന്ന NATA പരീക്ഷ എഴുതി നിശ്ചിത യോഗ്യത നേടിയിരിക്കണം. മെഡിക്കൽ & മെഡിക്കൽ അനുബന്ധ കോഴ്സുകൾ കൂട്ടിച്ചേർക്കുന്നവർ ചഠഅ നടത്തുന്ന NEET-UG 2026 പരീക്ഷ എഴുതി നിശ്ചിത യോഗ്യത നേടണം. ഫോൺ: 0471-2332120. 

 എൽ.ബി.എസ് സെന്ററിൽ ഡി.സി.എ കോഴ്സ് 

എൽ.ബി.എസ് സെന്റർ ഫോർ സയൻസ് ആൻഡ് ടെക്നോളജിയുടെ, കീഴിലുള്ള വിവിധ സെന്ററുകളിൽ മാർച്ച് ആദ്യ വാരം ആരംഭിക്കുന്ന സർക്കാർ അംഗീകൃത ഡിപ്ലോമ ഇൻ കംപ്യൂട്ടർ അപ്ലിക്കേഷൻ (ഡി.സി.എ സോഫ്റ്റ്വെയർ) കോഴ്സിന് പ്ലസ് ടു യോഗ്യതയുള്ളവർക്ക് ഓൺലൈനായി അപേക്ഷ സമർപ്പിക്കാം. അവസാന തീയതി ഫെബ്രുവരി 25. വിശദ വിവരങ്ങൾക്ക്: lbscentre.kerala.gov.in. 04712560333.  

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക