കോഴിക്കോട്: അന്തർസംസ്ഥാന മയക്കുമരുന്ന് ശൃംഖലയിലെ പ്രധാന കണ്ണിയായ കോഴിക്കോട് വേളം സ്വദേശി അജ്മലിനെ കർണാടക പൊലിസ് പിടികൂടി. പുത്തൂർ പൊലിസാണ് പ്രതിയെ അറസ്റ്റ് ചെയ്തത്. ഇയാളിൽ നിന്ന് 56 ഗ്രാം എം.ഡി.എം.എ കണ്ടെടുത്തു. 

ഇന്ന് ഉച്ചയോടെ പ്രതിയെ വേളത്തെ വീട്ടിലെത്തിച്ച് പൊലിസ് തെളിവെടുപ്പ് നടത്തി. പ്രതി പ്രദേശത്തെ നിരവധി ആളുകൾക്ക് ലഹരിമരുന്ന് എത്തിച്ചു നൽകുന്നതായി നാട്ടുകാർ ആരോപിക്കുന്നു.

ALSO READ: കാസർകോട് പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗത്തിനിരയാക്കി: രണ്ട് പേർ അറസ്റ്റിൽ; പ്രതികളിൽ 15-കാരനും

കേസ് കർണാടകയിൽ രജിസ്റ്റർ ചെയ്തതിനാൽ പ്രതിയെ കേരള പൊലിസിന് കൈമാറില്ല. തെളിവെടുപ്പിന് ശേഷം പ്രതിയെ കർണാടകയിലേക്ക് തന്നെ കൊണ്ടുപോകുമെന്ന് പുത്തൂർ പൊലിസ് അറിയിച്ചു. ലഹരിമരുന്ന് കടത്തുമായി ബന്ധപ്പെട്ട കൂടുതൽ കണ്ണികളെ കണ്ടെത്താനായി പ്രതിയെ വിശദമായി ചോദ്യം ചെയ്തുവരികയാണ്.

karnataka police have arrested ajmal, a native of velam, kozhikode, for his involvement in interstate drug trafficking. authorities seized 56 grams of mdma from the suspect. following the arrest, the puttur police brought him to his residence in kozhikode for evidence collection.