റിയാദ്: സഊദി ആഭ്യന്തര മന്ത്രാലയത്തിന്റെ ഇലക്ട്രോണിക് പ്ലാറ്റ്‌ഫോമായ 'അബ്ഷർ' വഴി കഴിഞ്ഞ ജനുവരി മാസത്തിൽ മാത്രം 4,48,31,914 ഇലക്ട്രോണിക് ഇടപാടുകളാണ് പൂർത്തിയാക്കിയത്. വ്യക്തിഗത സേവനങ്ങൾ, ബിസിനസ് സേവനങ്ങൾ എന്നിവയിലൂടെയാണ് സേവനം ലഭ്യമാക്കിയത്. അബ്ഷർ ഇൻഡിവിജ്വൽ അക്കൗണ്ടുകൾ വഴി 4,22,58,285 ഇടപാടുകളാണ് രാജ്യത്ത് നടന്നത്. ബിസിനസ് പ്ലാറ്റ്‌ഫോം വഴി 25,73,629 ഇടപാടുകൾ ജനുവരിയിൽ രേഖപ്പെടുത്തി.

ALSO READ: സഊദിയിൽ 'ചെക്ക് യുവർ ഹെൽത്ത്' കാംപയിൻ ഉദ്ഘാടനം ചെയ്ത് ആരോഗ്യ മന്ത്രി ഫഹദ് അൽ-ജലാജൽ; പൊതുജനങ്ങൾക്ക് വാഹനത്തിൽ ഇരുന്നും പരിശോധിക്കാം

ജനറൽ ഡയറക്ടറേറ്റ് ഓഫ് പബ്ലിക് സെക്യൂരിറ്റി വഴി ആകെ 35,82,702 ഇടപാടുകൾ നടന്നിട്ടുണ്ട്. ട്രാഫിക് ഡയറക്ടറേറ്റ് വഴി 34,60,528 ഇടപാടുകളും, പാസ്‌പോർട്ട് വിഭാഗം വഴി 20,94,195 ഇടപാടുകളും, സിവിൽ സ്റ്റാറ്റസ് ഏജൻസി വഴി 3,82,828 ഇടപാടുകളും നടന്നു. രാജ്യത്തെ സർക്കാർ-സ്വകാര്യ സ്ഥാപനങ്ങളുടെ സേവനങ്ങൾ സുരക്ഷിതമായി അബ്ഷർ, 'നഫാദ്' പോർട്ടൽ വഴി പൊതുജനങ്ങൾക്ക് ആക്‌സസ് ചെയ്യാൻ സാധിക്കുമെന്ന് മന്ത്രാലയം അറിയിച്ചു. 

Saudi Arabia’s Absher platform processed a staggering 44.8 million electronic transactions in January, covering individual services, business operations, and various Ministry of Interior departments.