ചുണ്ടേല്‍: ബലി പെരുന്നാളിന് ഒറീസയില്‍ നിന്നുള്ള ആയിരം കിലോയോളം തൂക്കമുള്ള ഭീമന്‍ പോത്ത്. ചുണ്ടേലിലെ വ്യാപാരികളാണ് ഒറീസയില്‍ നിന്നും മൊറ ഇനത്തില്‍പ്പെട്ട പോത്തിനെ കൊണ്ടുവന്നത്. ഭീമന്‍ പോത്തിനെ കാണാനും ഫോട്ടോ എടുക്കാനും നിരവധി പേരാണ് എത്തുന്നത്. പോത്തിറച്ചിക്ക് ഇപ്പോള്‍തന്നെ ഓര്‍ഡറുകള്‍ 240 രൂപക്കാണ് വില്‍ക്കുന്നത്. ഒറീസയില്‍ ഉന്നത കര്‍ഷക കുടുംബങ്ങള്‍ വളര്‍ത്തുന്ന പോത്തുകളാണിത്.
മോഹ വില നല്‍കിയാണ് തങ്ങള്‍ പോത്തിനെ സ്വന്തമാക്കിയതെന്ന് കച്ചവടക്കാര്‍ പറയുന്നു. കഴിഞ്ഞ ദിവസമാണ് പോത്തിനെ കൊണ്ട് വന്നത്. ചുണ്ടേലില്‍ ഇറച്ചി കടയുടെ അടുത്ത് കെട്ടിയിട്ട പൊത്തിനെ കാണാന്‍ ദൂരെ നിന്നു പോലും ആളുകള്‍ എത്തിയിരുന്നു.