കായംകുളം: യാത്രക്കാരിയുടെ ബാഗില്‍നിന്ന് പണം മോഷ്ടിച്ച യുവതിയെ നാട്ടുകാര്‍ പിടികൂടി പോലീസില്‍ ഏല്‍പ്പിച്ചു.കഴിഞ്ഞ ദിവസം വൈകിട്ട് നാലു മണിയോടെ കെപി റോഡില്‍ റെയില്‍വേ ജംഗ്ഷനിലായിരുന്നു സംഭവം.
തമിഴ്‌നാട് കാരക്കുടി ആത്തുപാളം സീത (33) ആണ് പിടിയിലായത്.കായംകുളത്തുനിന്നും പുനലൂര്‍ ബസില്‍ കയറിയ പന്തളം സ്വദേശിയായ വീട്ടമ്മ പിന്നാലെ പന്തളം ബസ് വരുന്നതു കണ്ട് റെയില്‍വേ ജംഗ്ഷനിലിറങ്ങുന്നതിനിടയില്‍ ബാഗിലിരുന്ന 1500 രൂപാ സീത മോഷ്ടിക്കുകയായിരുന്നു.സംശയം തോന്നിയ വീട്ടമ്മ പെട്ടന്ന് സീതയെ കടന്നുപിടിച്ചശേഷം ബസിലിരുന്നവരോട് വിവരം പറഞ്ഞു.
ആളുകൂടിയപ്പോഴേക്കും രൂപാ നിലത്തെറിഞ്ഞ ശേഷം സീത രക്ഷപ്പെടാന്‍ ശ്രമിച്ചു.എന്നാല്‍ നാട്ടുകാര്‍ ഇവരെ പിടികൂടി പോലീസില്‍ ഏല്‍പ്പിക്കുകയായിരുന്നു.