ശ്രീനഗര്‍: ജമ്മു കശ്മീരിലെ പൂഞ്ചില്‍ ഭീകരരുമായി വീണ്ടും ഏറ്റുമുട്ടല്‍. ഇന്ന് രാവിലെയോടെയാണ് ഏറ്റുമുട്ടലുണ്ടായത്. ഞായറാഴ്ച്ച മൂന്ന് ഭീകരരെ വധിച്ച അതേ സ്ഥലത്തു തന്നെയാണ് ഇന്ന് വീണ്ടും വെടിവെപ്പ് ഉണ്ടായിരിക്കുന്നത്.

പൂഞ്ച് നഗരത്തിലെ നിര്‍മാണം നടന്നുകൊണ്ടിരിക്കുന്ന മിനി സെക്രട്ടറിയേറ്റ് കെട്ടിടത്തിന് സമീപമാണ് വീണ്ടും ഏറ്റുമുട്ടല്‍ ഉണ്ടായതെന്ന് മുതിര്‍ന്ന പൊലിസ് ഉദ്യോഗസ്ഥന്‍ പറഞ്ഞു. ഏറ്റുമുട്ടല്‍ ഇപ്പോഴും തുടരുകയാണ്.

ഇന്നലെ ഇതേ സ്ഥലത്ത് നടന്ന ഏറ്റുമുട്ടലില്‍ സൈന്യം മൂന്ന് ഭീകരരെ വധിച്ചിരുന്നു. ഇതിനിടെ ഒരു പൊലിസുകാരന്‍ കൊല്ലപ്പെടുകയും ചെയ്തിരുന്നു. പ്രദേശവാസിയുള്‍പ്പെടെ അഞ്ച് പേര്‍ക്ക് പരുക്കേല്‍ക്കുകയും ചെയ്തിരുന്നു. മൂന്ന് ഭീകരരെയും വധിച്ച ശേഷമാണ് ഇന്നലെ ഏറ്റുമുട്ടല്‍ അവസാനിച്ചത്.