ടെല്‍അവീവ്: ബെഞ്ചമിന്‍ നെതന്യാഹു കൊല്ലപ്പെട്ടെന്ന അഭ്യൂഹങ്ങള്‍ക്കിടെ മൂന്നാമതും വ്യാജ ഫോട്ടോ പ്രചരിപ്പിച്ച് സ്വയം പരിഹാസരാവുകയാണ് ഇസ്‌റാഈല്‍. ഇറാന്റെ മുതിര്‍ന്ന നേതൃത്വത്തെ ലക്ഷ്യമിട്ടുള്ള ആക്രമണങ്ങള്‍ക്ക് നെതന്യാഹു നേരിട്ട് ഉത്തരവ് നല്‍കുന്ന ചിത്രമെന്ന പേരില്‍ ഇസ്‌റാഈല്‍ പുറത്തുവിട്ട ചിത്രവും വ്യാജനാണെന്ന് കണ്ടെത്തി. ഇസ്‌റാഈല്‍ പ്രധാനമന്ത്രിയുടെ ഓഫീസ് തന്നെയാണ് ചിത്രം പുറത്തുവിട്ടത്. 

'ഇറാനിയന്‍ ഭരണകൂടത്തിലെ മുതിര്‍ന്ന ഉദ്യോഗസ്ഥരെ വധിക്കാന്‍ പ്രധാനമന്ത്രി ബെഞ്ചമിന്‍ നെതന്യാഹു ഉത്തരവിടുന്നു,' എന്ന അടിക്കുറിപ്പോടെയാണ് ചിത്രം പുറത്തുവിട്ടത്. എന്നാല്‍ ഇത് പഴയ ചിത്രമാണെന്നും, ഫെബ്രുവരി 4ന് പ്രസിദ്ധീകരിച്ച ചിത്രം ഇസ്‌റാഈല്‍ വീണ്ടും പുറത്തുവിട്ടെന്നുമാണ് കണ്ടെത്തല്‍. ഹിസ്ബുള്ളയുമായി ബന്ധപ്പെട്ട വാര്‍ത്തയ്ക്ക് നല്‍കിയ അതേ ചിത്രമാണ് നിലവില്‍ പുറത്തുവിട്ട ചിത്രമെന്ന് എഐ ടൂളായ ഗ്രോക്കും സ്ഥിരീകരിച്ചിട്ടുണ്ട്.

ALSO READ: ഇസ്‌റാഈല്‍ നിര്‍മ്മിത യുദ്ധങ്ങളില്‍ ഇനിയൊരു തലമുറ കൂടി ബലിയാടാകരുത്; 'ഇറാന്‍ ആക്രമണത്തിന് പിന്നില്‍ ഇസ്‌റാഈല്‍ സമ്മര്‍ദ്ദം'; ട്രംപിന് തിരിച്ചടിയായി ഉന്നത ഉദ്യോഗസ്ഥന്റെ രാജി  

Photo: Prime Minister Benjamin Netanyahu ordering the elimination of senior Iranian regime officials. pic.twitter.com/av6rIqNOFt

— Prime Minister of Israel (@IsraeliPM) March 17, 2026

അതേസമയം ഇറാന്‍ തിരിച്ചടിയില്‍ ബെഞ്ചമിന്‍ നെതന്യാഹു കൊല്ലപ്പെട്ടെന്ന അഭ്യൂഹങ്ങള്‍ ഇതിനോടകം ശക്തമാണ്. യുദ്ധം ആരംഭിച്ചതിന് പിന്നാലെ നെതന്യാഹു പൊതുപരിപാടികളില്‍ പ്രത്യക്ഷപ്പെട്ടിട്ടില്ല. നെതന്യാഹുവിന്റെതെന്ന പേരില്‍ പുറത്തുവിട്ട ആദ്യ വീഡിയോയിലെ പൊരുത്തക്കേടുകള്‍ നേരത്തെ പുറത്തുവന്നിരുന്നു. പിന്നാലെ കഫേയില്‍ കോഫി ഓര്‍ഡര്‍ ചെയ്യുന്ന രീതിയില്‍ പുറത്തുവിട്ട വീഡിയോയും വ്യാജമാണെന്ന് ആരോപണം ഉയര്‍ന്നിരുന്നു. ഇതിന് പിന്നാലെയാണ് പുതിയ ഫോട്ടോയും ഇസ്‌റാഈല്‍ പുറത്തിറക്കിയിട്ടുള്ളത്. ഇതോടെ ഇറാന്‍ ആക്രമണത്തില്‍ നെതന്യാഹു കൊല്ലപ്പെടുകയോ, ഗുരുതരമായി പരിക്കേല്‍ക്കുകയോ ചെയ്‌തെന്ന അഭ്യൂഹങ്ങള്‍ ഒന്നുകൂടി ശക്തമാവുകയാണ്. 

the image released by israel, claimed to show benjamin netanyahu directly ordering attacks targeting iran’s senior leadership, has also been found to be fake.