പാലക്കാട്: പാറമേക്കാവിന്റെ പടക്കനിര്‍മാണ ശാല ഉടമയ്‌ക്കെതിരെ കേസെടുത്തു. അളവിലേറെ വെടിമരുന്ന് സൂക്ഷിച്ചതിനാണ് കൊല്ലങ്കോട് പൊലിസ് കേസ് രജിസ്റ്റര്‍ ചെയ്തത്. കോട്ടയം സ്വദേശി ബിനോയ് ജേക്കബിനെതിരെയാണ് കേസ്. 

മുതലമട വെള്ളാരംകടവിലെ പടക്കനിര്‍മാണശാലയുടെ ഉടമയാണ് ബിനോയ് ജേക്കബ്. ലൈസന്‍സില്‍ അനുവദിച്ചതിനെക്കാള്‍ കൂടുതല്‍ പടക്കങ്ങളും വെടിമരുന്നും സൂക്ഷിക്കുന്നതായി ചിറ്റൂര്‍ തഹസില്‍ദാര്‍ നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് കേസ്. നിലവില്‍ പടക്കനിര്‍മാണശാല പോലീസ് സീല്‍ ചെയ്തിട്ടുണ്ട്. തുടര്‍പരിശോധനകള്‍ നടത്തുമെന്ന് പാലക്കാട് ജില്ലാ കളക്ടര്‍ അറിയിച്ചു.

case has been filed against the owner of the Paramekkavu fireworks unit. The Kollangode Police Station registered the case for storing explosives beyond the allowed limit.