ന്യൂഡല്‍ഹി: പഞ്ചാബിലെ അമൃത്‌സറില്‍ സ്‌കൂള്‍ ബസ്സ് കനാലിലേക്ക് മറിഞ്ഞ് അഞ്ച് കുട്ടികള്‍ മരിച്ചു. പത്തോളം കുട്ടികള്‍ക്ക് പരുക്കേറ്റു. അമൃത്‌സറിലെ മുഹ്‌വാരയിലാണ് അപകടമുണ്ടായത്.

വാഹനത്തിന്റെ നിയന്ത്രണം നഷ്ടപ്പെട്ട് കനാലിലേക്ക് മറിയുകയായിരുന്നു. 50 ഓളം കുട്ടികളാണ് ബസ്സിലുണ്ടായത്. പരുക്കേറ്റ കുട്ടികളെ അമൃത്‌സറിലെ ആശുപത്രിയില്‍ പ്രവേശിപ്പിച്ചു. പ്രദേശത്ത് രക്ഷാപ്രവര്‍ത്തനം പുരോഗമിക്കുകയാണ്.