പനമരം: സമരങ്ങള്‍ക്കൊടുവില്‍ പ്രവര്‍ത്തനമാരംഭിച്ച പനമരം കംഫര്‍ട്ട് സ്റ്റേഷന്റെ പ്രവര്‍ത്തനം അവതാലത്തില്‍. ജലനിധി ഫണ്ടുപയോഗിച്ച് നിര്‍മിച്ച പുതിയ കംഫര്‍ട്ട് സ്റ്റേഷനിലെ പൈപ്പുകള്‍ ബ്ലോക്കായതോടെയാണ് ശൗചാലയത്തിന്റെ പ്രവര്‍ത്തനം താളം തെറ്റിക്കുന്നത്. പഴയ കംഫര്‍ട്ട് സ്റ്റേഷന്‍ പൊളിച്ചാണ് 20 ലക്ഷം രൂപ മുടക്കി പുതിയ കെട്ടിടം പണിതത്. നിര്‍മാണത്തിന്റെ തുടക്കത്തിലേ മാനദണ്ഡങ്ങള്‍ പാലിക്കാതെയാണ് നിര്‍മാണം നടത്തുന്നതെന്ന ആക്ഷേപം ഉയര്‍ന്നിരുന്നു. ചതുപ്പ് നിലം മണ്ണിട്ട് ഉയര്‍ത്താതെയുള്ള നിര്‍മാണമാണ് നിലവില്‍ പ്രശ്‌നമായിരിക്കുന്നത്. കക്കൂസ്, കുളിമുറികള്‍ ഉള്‍പ്പടെ നിരവധി റൂമുകളോടെയാണ് കെട്ടിടം പണി കഴിച്ചത്.
എന്നാല്‍ ഇപ്പോള്‍ ഒരു റൂം മാത്രമാണ് പ്രവര്‍ത്തിക്കുന്നത്. ബാക്കിയുള്ള ശൗചാലയങ്ങളുടെയെല്ലാം പൈപ്പുകള്‍ ബ്ലോക്കായിരിക്കുകയാണ്. ഇതുസംബന്ധിച്ച് പഞ്ചായത്ത് അധികൃതരെ അറിയിച്ചെങ്കില്‍ യാതൊരു നടപടിയുമുണ്ടായിട്ടില്ല.
കംഫര്‍ട്ട് സ്റ്റേഷന്റെ പ്രവര്‍ത്തനം നിലച്ചതോടെ യാത്രക്കാരും ദുരിതത്തിലായിരിക്കുകയാണ്.