ഭാരത് സഞ്ചാര്‍ നിഗം ലിമിറ്റഡില്‍ (ബി.എസ്.എന്‍.എല്‍) എന്‍ജിനിയര്‍മാര്‍ക്ക് അവസരം. ജൂനിയര്‍ ടെലികോം ഓഫിസര്‍ തസ്തികയിലേക്ക് 2,510 എന്‍ജിനിയര്‍മാരെയാണ് ആവശ്യം. ഇതിനായി യോഗ്യരായ ഉദ്യോഗാര്‍ഥികളില്‍നിന്ന് അപേക്ഷ ക്ഷണിച്ചു.

ബി.ഇ, ബി.ടെക്  ടെലികോം, ഇലക്ട്രോണിക്‌സ്, റേഡിയോ, കംപ്യൂട്ടര്‍, ഇലക്ട്രിക്കല്‍, ഇന്‍ഫര്‍മേഷന്‍ ടെക്‌നോളജി, ഇന്‍സ്ട്രുമെന്റേഷന്‍. എം.എസ്.സി (ഇലക്ട്രോണിക്‌സ്), എം.എസ്.സി (കംംപ്യൂട്ടര്‍ സയന്‍സ്) എന്നിവയാണ് ഇതിനായി അപേക്ഷിക്കാനുള്ള യോഗ്യത.
2017 ഗേറ്റ് സ്‌കോറിന്റെ അടിസ്ഥാനത്തിലാണ് നിയമനം നടക്കുക.

നിയമനം സംബന്ധിച്ച കൂടുതല്‍ വിവരങ്ങള്‍ക്ക് 2016 ഡിസംബര്‍ ഒന്നിന് ശേഷം www.externalexam.bsnl.co.in എന്ന വെബ്‌സൈറ്റ് സന്ദര്‍ശിക്കുക.
2017 ജനവരി ഒന്നു മുതല്‍ 31വരെയാണ് ഈ തസ്തികയിലേക്ക് അപേക്ഷിക്കാനുള്ള സമയം.