ശ്രീകണ്ഠപുരം: നെല്‍കൃഷിയുള്‍പ്പെടെയുള്ള കാര്‍ഷിക രംഗത്തെ തൊഴിലാളി ക്ഷാമവും യന്ത്രപ്രയോഗ പരിചയക്കുറവും പരിഹരിക്കാന്‍ മലപ്പട്ടം ഗ്രാമപഞ്ചായത്തിന്റെ ലേബര്‍ബാങ്ക് പ്രവര്‍ത്തനമാരംഭിക്കുന്നു. നെല്‍കൃഷിയിലെ യന്ത്ര ഉപയോഗം, തെങ്ങുകയറ്റം, അനുബന്ധ സഹായം എന്നിവയ്ക്കായി തൊഴിലാളികളെ കര്‍ഷകര്‍ക്കു ലഭ്യമാക്കുന്നതിനാണ് പദ്ധതി ആരംഭിക്കുന്നത്.
സഹകരണ ബാങ്ക്, ക്ഷീരകര്‍ഷകര്‍, കര്‍ഷക തൊഴിലാളി, ടാക് ഫോഴ്‌സ്, കുടുംബശ്രീ എന്നിവയുടെ സഹകരണത്തോടെ പദ്ധതി നടപ്പിലാക്കും. ഇതു സംബന്ധിച്ചു ചേര്‍ന്ന യോഗത്തില്‍ പഞ്ചായത്ത് പ്രസിഡന്റ് പി പുഷ്പജന്‍ അധ്യക്ഷനായി.
മലപ്പട്ടം പ്രഭാകരന്‍ പി.പി ലക്ഷ്മണന്‍, ഇ.കെ പ്രഭാകരന്‍, വി.പി വല്‍സരാജ്, ഇ ചന്ദ്രന്‍ എന്നിവര്‍ അംഗങ്ങളായ ഗവേണിങ് കമ്മറ്റി രൂപികരിച്ചു.