എരുമേലി: ഫിഷറീസ് വകുപ്പ് നടപ്പാക്കുന്ന മത്സ്യസമ്യദ്ധി പദ്ധതിയുടെ ഭാഗമായി എരുമേലി കൊരട്ടികടവില്‍ മത്സ്യക്കുഞ്ഞുങ്ങളെ നിക്ഷേപിച്ചു.
ഉള്‍നാടന്‍ ജലാശയങ്ങളിലെ മത്സ്യ സമ്പത്ത് വര്‍ധിപ്പിക്കുക എന്ന ലക്ഷ്യത്തോടെയാണ് ഒരു ലക്ഷം മത്സ്യക്കുഞ്ഞുങ്ങളെ കടവില്‍ നിക്ഷേപിച്ചത്.
എരുമേലി ഗ്രാമപഞ്ചായത്ത് പ്രസിഡന്റ് ടി.എസ് കൃഷ്ണകുമാര്‍ മത്സ്യവിത്ത് നിക്ഷേപം ഉദ്ഘാടനം ചെയ്തു.
കോട്ടയം ഫിഷറീസ് ഡെപ്യൂട്ടി ഡയറക്ടര്‍ എം. സിയാര്‍ ബ്ലോക്ക് പഞ്ചായത്തംഗം ആശാ ജോയി, പഞ്ചായത്തംഗങ്ങളായ കെ.ആര്‍ അജേഷ്, വത്സമ്മ തോമസ്, ജസ്‌ന നജീബ് തുടങ്ങിയവര്‍ പങ്കെടുത്തു.