നെയ്യാറ്റിന്‍കര: അവണാകുഴിയില്‍ കഞ്ചാവ് വില്‍പ്പനയ്ക്കിടെ ഇന്നലെ നാലു പേരെ നെയ്യാറ്റിന്‍കര പൊലിസ് പിടികൂടി.
വില്‍പ്പനക്കാരനായ ബാലരാമപുരം പ്ലാവിള സ്വദേശി അനീഷ് (37), വാങ്ങാനെത്തിയ നെയ്യാറ്റിന്‍കര സ്വദേശി അരവിന്ദ് (19), ഓലത്താന്നി സ്വദേശി ശ്രീരാഗ് (18), പ്രായപൂര്‍ത്തിയാകാത്ത ഒരാളും കൂട്ടത്തിലുണ്ട്. ഇന്നലെ വൈകിട്ട് ഓട്ടോയിലെത്തിയ അനീഷ് വിദ്യാര്‍ഥികളായ മൂന്ന് പേര്‍ക്ക് കഞ്ചാവ് വില്‍ക്കുന്നതിനിടയില്‍ സംശയം തോന്നിയ നാട്ടുകാര്‍ യുവാക്കളെ തടഞ്ഞുവച്ച് നെയ്യാറ്റിന്‍കര പൊലിസിന് കൈമാറുകയായിരുന്നു.
35 ഗ്രാം കഞ്ചാവുളളതായി പൊലിസ് അറിയിച്ചു. പ്രതിക
ളെ വിശദമായി ചോദ്യം ചെയ്തുവരുന്നതായി പൊലിസ് പറഞ്ഞു.