തിരുവനന്തപുരം: വ്യവസായ മന്ത്രി ഇ.പി ജയരാജന് വി.എസ് അച്യുതാനന്ദന്റെ കത്ത്. മലബാര്‍ സിമന്റ്‌സ് അഴിമതികേസില്‍ ആരോപണ വിധേയരായ മറ്റ് ഉദ്യോഗസ്ഥരെ മാറ്റി നിര്‍ത്തണമെന്ന് ആവശ്യപ്പെട്ടാണ് വി.എസിന്റെ കത്ത്.

മലബാര്‍ സിമന്റ്‌സ് എം.ഡി കെ പത്മകുമാറിനെ അറസ്റ്റ് ചെയ്ത സാഹചര്യത്തില്‍ എം.ഡി സ്ഥാനത്തു നിന്ന് മാറ്റിയെങ്കിലും വ്യവസായ വകുപ്പിന് കീഴിലുള്ള റിയാബ് സെക്രട്ടറി സ്ഥാനത്തുനിന്ന് മാറ്റണമെന്നും ആരോപണ വിധേയരെ തുടരാന്‍ അനുവദിക്കരുതെന്നും വി.എസ് കത്തില്‍ പറയുന്നു.

മലബാര്‍ സിമന്റ്്‌സിന്റെ വിഷയത്തില്‍ സര്‍ക്കാരും വ്യവസായ വകുപ്പും ഒളിച്ചുകളി നടത്തുന്നുവെന്ന് ആരോപണമുയര്‍ന്ന സാഹചര്യത്തിലാണ് വി.എസ് വ്യവസായ വകുപ്പ് മന്ത്രിക്ക് കത്തയച്ചിരിക്കുന്ന കാര്യം ശ്രദ്ധേയമാണ്. ഈ മാസം 22 നാണ് വി.എസ് ഇതു സംബന്ധിച്ചിട്ടുള്ള കത്ത് അയച്ചിട്ടുള്ളത്.