തൃക്കരിപ്പൂര്‍: കരുണയുള്ളവരുടെ കനിവുതേടി ജനകീയം ബസിന്റെ കാരുണ്യ യാത്ര. വാര്‍പ്പു പണിക്കിടെ രണ്ടാം നിലയില്‍ നിന്നു വീണു അരയ്ക്കു കീഴെ ചലനമറ്റ ഇടയിലെക്കാട്ടിലെ എന്‍ ശ്രീജ (37) യുടെ ചികിത്സയ്ക്കു വേണ്ടിയായിരുന്നു തൃക്കരിപ്പൂര്‍ വലിയപറമ്പ്പടന്നക്കടപ്പുറം റൂട്ടില്‍ ബസ് ഇന്നലെ സര്‍വിസ് നടത്തിയത്.
25000 രൂപയുടെ സഹായം പ്രഖ്യാപിച്ച് അല്‍ബദര്‍ ട്രസ്റ്റ് ചെയര്‍മാന്‍ പി.കെ.സി സുലൈമാന്‍ ഹാജി യാത്രയുടെ ഉദ്ഘാടനം നിര്‍വഹിച്ചു. കെ ദാസന്‍ അധ്യക്ഷനായി. സി നാരായണന്‍, കെ.കെ കുഞ്ഞബ്ദുള്ള, കെ.പി ബാലന്‍, വി.എം ബാലന്‍,  കെ.വി അമ്പൂഞ്ഞി, എ.ജി അബ്ദുള്‍ മജീദ്, എം ലക്ഷ്മണന്‍, എം ഭാസ്‌കരന്‍ , എ.വി ഗണേശന്‍, ടി.വി ചന്ദ്രദാസ്, പി വേണുഗോപാലന്‍ സംസാരിച്ചു.