ദമ്മാം: രാജ്യത്തെ സ്വകാര്യ സ്‌കൂളുകളില്‍ സ്വദേശിവല്‍ക്കരണ തോത് ഉയര്‍ത്തുന്നതിനായി സ്‌കൂള്‍ ക്യാന്റീനുകളില്‍ നിശ്ചിത ശതമാനം സഊദികളെ നിയമിക്കണമെന്ന നിബന്ധന പുറപ്പെടുവിച്ചു. രാജ്യത്തെ സ്വകാര്യ സ്‌കൂളുകളിലും ഇന്റര്‍നാഷണല്‍ സ്‌കൂളുകളിലും ക്യാന്റീന്‍ നടത്തിപ്പില്‍ സ്വദേശികളെ നിയമിച്ച് സഊദി വല്‍ക്കരണം ഊര്‍ജിതമാക്കാനാണ് നിര്‍ദേശം.

ക്യാന്റീനില്‍ സ്വദേശികളെ നിയമിക്കുന്നതിന്റെ ഭാഗമായി ക്യാന്റീന്‍ നടത്തിപ്പുകാരുമായുള്ള കരാറില്‍ സ്വദേശികളെ നിയമിക്കണമെന്നും 150 വിദ്യാര്‍ത്ഥികള്‍ക്ക് ഒരു സെയില്‍സ്മാന്‍ വേണമെന്ന നിര്‍ദേശവും വിദ്യഭ്യാസ മന്ത്രാലയം നിര്‍ദേശിക്കുന്നുണ്ട്. സന്നദ്ധരായ സഊദികളില്ലെങ്കില്‍ മാത്രമാണ് ഇതില്‍ ഇളവ് ലഭിക്കുക. കൂടാതെ ക്യാന്റീന്‍ നടത്തിപ്പിന് വിദ്യഭ്യാസ മന്ത്രാലയം കൂടുതല്‍ മാര്‍ഗ്ഗ നിര്‍ദേശങ്ങളും പുറപ്പെടുവിച്ചിട്ടുണ്ട്.