കണ്ണൂര്‍: റെയില്‍വേ സ്‌റ്റേഷനില്‍നിന്നു വരുന്ന യാത്രക്കാരുടെ ശ്രദ്ധയ്ക്ക്.. നഗരമധ്യത്തില്‍ ഒരു ചതിക്കുഴി നിങ്ങളെ കാത്തിരിക്കുന്നു. പൊലിസ് സൊസൈറ്റി ഓഡിറ്റോറിയത്തിനു സമീപത്തെ ടൈല്‍സ് പാകിയ നടപ്പാതയുടെ വടക്കേ അറ്റത്താണ് ഒരുമീറ്റര്‍ ആഴത്തില്‍ ആളെ വീഴ്ത്തുന്ന കുഴിയുള്ളത്. വീണുകഴിഞ്ഞാല്‍ എല്ലൊടിയുമെന്ന് ഉറപ്പ്. പലരും ഇതിനകം തന്നെ അപകടത്തില്‍പെട്ടു. ദിനംപ്രതി നൂറുകണക്കിന് യാത്രക്കാരാണ് ഇതുവഴി കടന്നുപോകുന്നത്. സംഭവം കോര്‍പറേഷന്‍ അധികൃതരുടെ ശ്രദ്ധയില്‍പെടുത്തിയെങ്കിലും റെയില്‍വേയാണ് ഉത്തരവാദിയെന്നായിരുന്നു മറുപടി. ഓടയുടെ മുകളിലാണ് നടപ്പാത പണിതതെന്നതിനാല്‍ കുഴി ദിവസം കഴിയുന്തോറും വലുതാവുകയാണ്.