ന്യൂഡല്‍ഹി: ആഗോള താപനം ചെറുക്കുന്നതിനുള്ള പാരീസ് ഉടമ്പടി ഇന്ത്യ ഇന്ന് മുതല്‍ നടപ്പിലാക്കിത്തുടങ്ങും. കഴിഞ്ഞ ഡിസംബര്‍ 12 ന് 188 രാജ്യങ്ങള്‍ അംഗീകരിച്ച പാരിസ് ഉടമ്പടിയില്‍ ഏപ്രില്‍ 22 നാണ് ഇന്ത്യ ഒപ്പുവെച്ചത്.ഇതുവരെ 191 രാജ്യങ്ങള്‍ ഉടമ്പടിയില്‍ ഒപ്പുവെച്ചു.

മൊത്തം ആഗോളവാതകത്തിന്റെ 55 ശതമാനം പുറത്തുവിടുന്ന 55 രാജ്യങ്ങള്‍ അംഗീകരിച്ചു കഴിഞ്ഞാല്‍ ഉടമ്പടി നിലവില്‍ വരുമെന്നാണ് വ്യവസ്ഥ. 2050 ഓടെ ആഗോളതാപന വര്‍ധന തോാത് 2 ഡിഗ്രി സെല്‍ഷ്യസിലും താഴേയാക്കാനുള്ള തീരുമാനമാക്കാണ് കരാറിലെ മുഖ്യ സവിശേഷത.

ആഗോളതാപനം ചെറുക്കാന്‍ 1997 ല്‍ ഒപ്പിട്ട ക്യോട്ടോ പ്രോട്ടോക്കോളിന് പകരം ഇനിമുതല്‍ പാരിസ് ഉടമ്പടി ആധാരമാകും. ഉടമ്പടി നടപ്പിലാക്കുന്നതിന്റെ ഭാഗമായി
പരിസ്ഥിതി സൗഹൃദതീരുമാനങ്ങള്‍ ഇന്നുമുതല്‍ രാജ്യത്ത് പ്രാബല്യത്തില്‍ വരും. രാജ്യത്തെ 25 ചരിത്ര സ്മാരകങ്ങളില്‍ പോളിത്തീന്‍ നിരോധിച്ച് കൊണ്ടാണ് ഉടമ്പടി നടപ്പിലാക്കിത്തുടങ്ങുന്നത്.ഉത്തരവ് പ്രാബല്യത്തില്‍ വന്ന് രണ്ട് മാസത്തിന് ശേഷം ചരിത്ര സ്മാരകങ്ങളില്‍ പോളിത്തീന്‍ കൊണ്ടുവരുന്നവരില്‍ നിന്ന് പിഴ ചുമത്താനും കേന്ദ്ര സര്‍ക്കാര്‍ തീരുമാനിച്ചിട്ടുണ്ട്.