തിരൂര്‍: ആതുരസേവന രംഗത്ത് തിരൂര്‍ കേന്ദ്രീകരിച്ച് പ്രവര്‍ത്തിക്കുന്ന സഹചാരി മെഡിസെന്ററിന് കീഴിലായി പാവപ്പെട്ട കിഡ്‌നി രോഗികള്‍ക്ക് മാസംതോറും നല്‍കുന്ന പെന്‍ഷന്‍ പദ്ധതിയുടെ വിഭവ സമാഹരത്തിന്റെ  ഭാഗമായി വിഖായ വളണ്ടിയര്‍മാര്‍ ബസ് യാത്രക്കാരില്‍ നിന്ന് ധനസമാഹരണം നടത്തി.
ഇന്നലെ രാവിലെ ഒന്‍പത് മുതല്‍ ആരംഭിച്ച ധനസമാഹരണം വൈകീട്ട് വരെ നീണ്ടു. തിരൂര്‍ കൈതവളപ്പ് എന്‍.ഐ മദ്‌റസയില്‍ സംഘടിപ്പിച്ച സംഗമത്തോടെയായിരുന്നു തുടക്കം. ആതുര-ജീവകാരുണ്യ പ്രവര്‍ത്തനത്തിന്റെ ഉദ്ഘാടനം കെ.എന്‍.സി തങ്ങള്‍ നിര്‍വഹിച്ചു. സലാഹുദ്ദീന്‍ ഫൈസി വെന്നിയൂര്‍ അധ്യക്ഷനായി. പി.എം റഫീഖ് അഹമ്മദ്, ശംസുദ്ദീന്‍ ഫൈസി കുണ്ടൂര്‍, ഐ.പി അബു പുതുപ്പള്ളി, അഷ്ഫറ് ദാരിമി വെട്ടം, തറമ്മല്‍ സിദ്ദീഖ് ഹാജി, ശാക്കിര്‍ ഫൈസി കാളാട്, അബ്ദുന്നാസര്‍ സഅദി, കെ.എ റശീദ് ഫൈസി, സ്വാദിഖ് തിരൂര്‍, റസാഖ് താനൂര്‍, റഊഫ് കണ്ണന്തളി, ബശീര്‍ മുത്തൂര്‍, ശാഫി ഫൈസി കാളാട് നേത്യത്വം നല്‍കി. തിരൂര്‍ ഏരിയ സഹചാരി മെഡി സെന്റര്‍ തിരൂര്‍ ജില്ലാ ആശുപത്രി കേന്ദ്രീകരിച്ച് നടത്തുന്ന രക്തദാനം, രോഗികള്‍ക്ക് ആവശ്യമായ ഉപകരണങ്ങളുടെ വിതരണം, ആംബുലന്‍സ് സര്‍വീസ് എന്നിവയ്ക്കു പുറമെയാണ് കിഡ്‌നി രോഗികള്‍ക്കായുള്ള ശ്രദ്ധേയമായ സേവന പ്രവര്‍ത്തനം നടത്തിയത്.