പാലക്കാട് : ജാതിചിന്തയില്‍ നിന്ന് മനുഷ്യരെ  മോചിപ്പിക്കാന്‍ കേരളീയ നവോത്ഥാനത്തിന്റെ രാജശില്‍പി ശ്രീനാരായണ ഗുരു 1916 ല്‍ ആലുവ അദ്വൈതാശ്രമത്തില്‍ നമുക്ക് ജാതിയില്ലാ വിളംബരം നടത്തിയതിന്റെ നൂറാം വാര്‍ഷികം ജില്ലയില്‍ വിവിധ പരിപാടികളോടെ സംഘടിപ്പിക്കുന്നതിന്റെ 'ഭാഗമായി ഈ മാസം എട്ടിന്  സാംസ്‌കാരിക സദസ് സംഘടിപ്പിക്കുന്നു. സാംസ്‌കാരിക വകുപ്പ് , ജില്ലാ 'ഭരണ കൂടം, ഇന്‍ഫര്‍ മേഷന്‍ പബ്ലിക് റിലേഷന്‍സ് വകുപ്പ്, ഗ്രന്ഥശാല സംഘം സാമൂഹ്യസാംസ്‌കാരി സംഘടനകള്‍ തുടങ്ങിയവയുടെ സഹകരണത്തോടെയാണ് പരിപാടികള്‍ സംഘടിപ്പിക്കുക. ശനിയാഴ്ച ഉച്ചക്ക് മൂന്നിന് പാലക്കാട് ഇ. പത്മനാഭന്‍ സ്മാരകഹാളില്‍ (എന്‍ ജി.ഒ യൂനിയന്‍ ഹാള്‍) ചേരുന്ന സദസ് സാംസ്‌കാരിക വകുപ്പ് മന്ത്രി എ. കെ. ബാലന്‍ ഉദ്ഘാടനം ചെയ്യുമെന്ന് സംഘാടക സമിതി ചെയര്‍പേഴ്‌സണ്‍ ജില്ലാ കലക്ടര്‍ പി. മേരിക്കുട്ടി, സെക്രട്ടറി പി. കെ.  സുധാകരന്‍ അറിയിച്ചു .
എം. ബി. രാജേഷ് എം. പി. മുഖ്യപ്രഭാഷണം നടത്തും. കരിവള്ളൂര്‍ മുരളി വിഷയം അവതരിപ്പിക്കും. ഷാഫി പറമ്പില്‍ എം. എല്‍ എ.  അധ്യക്ഷനാകും. ജില്ലയിലെ എം.പി- എം.എല്‍.എമാരും മറ്റു ജനപ്രതിനിധികളും സാമൂഹ്യ സാംസ്‌കാരിക സംഘടനാപ്രതിനിധികളും പങ്കെടുക്കും. പുസ്തക പ്രകാശനം, കവിതാലാപനം, വളളത്തോള്‍ കലാമണ്ഡലം അവതരിപ്പിക്കുന്ന ഓട്ടന്‍തുള്ളല്‍, ചാക്യാര്‍കൂത്ത് എന്നിവയും സംഘടിപ്പിച്ചിട്ടുണ്ട്.