എടവണ്ണപ്പാറ: ചീക്കോട് കൃഷിഭവനിലൂടെ നടപ്പാക്കുന്ന ആത്മ ഫാം ഫീല്‍ഡ് സ്‌കൂളിന്റെ ഉദ്ഘാടനം യന്ത്രത്തിന്റെ സഹായത്തോടെ ഞാറു നട്ട് അരീക്കോട് ബ്ലോക്ക് പഞ്ചായത്ത് പ്രസിഡന്റ് പറമ്പന്‍ ലക്ഷ്മി നിര്‍വഹിച്ചു. വെട്ടുപാറ നെല്ലാര് അബ്ദുല്‍ ഹമീദിന്റെ പാട ശേഖരത്തിലാണ് ഞാറു നട്ടത്. ചീക്കോട് പഞ്ചായത്ത് പ്രസിഡന്റ് കെ.പി സഈദ് അധ്യക്ഷനായി. അസിസ്റ്റന്റ് ഡയറക്ടര്‍ കൃഷ്ണദാസ് പദ്ധതി വിശദീകരിച്ചു. ബ്ലോക്ക് പഞ്ചായത്തംഗം സാജിദ, കൃഷി ഓഫീസര്‍ ബാബു സക്കീര്‍, ബ്ലോക്ക് ടെക്‌നോളജി മാനേജര്‍ പി.കെ ശബീന സംസാരിച്ചു.