കണ്ണൂര്‍: കോര്‍പറേഷന്റെ സമഗ്ര വികസനപദ്ധതി പ്രഖ്യാപനത്തിനിടെ സംഘാടനത്തിലെ പാളിച്ചയ്‌ക്കെതിരേ മുഖ്യമന്ത്രിയുടെ വിമര്‍ശനം. സമഗ്രവികസന പദ്ധതി പ്രഖ്യാപനം നടത്തി സംസാരിക്കുന്നതിനിടെയായിരുന്നു പരിപാടിയുടെ ഒരുക്കത്തില്‍ സമഗ്രതയില്ലെന്നു പറഞ്ഞ് മുഖ്യമന്ത്രി പിണറായി വിജയന്‍ വിമര്‍ശനം ഉന്നയിച്ചത്. പരിപാടിയില്‍ പങ്കെടുക്കുന്നവര്‍ക്കായി ഒരുക്കിയ പന്തല്‍ ചെറുതായതു കാരണം ഒട്ടേറേ പേര്‍ സദസിനു പുറത്തുനിന്നാണു പരിപാടി വീക്ഷിച്ചത്. കുറച്ചധികം കസേരകള്‍ ഇട്ടിരുന്നെങ്കില്‍ പ്രശ്‌നമില്ലായിരുന്നു. തീരുമാനിച്ചവരുടെയല്ല, നടപ്പാക്കിയവരുടെ പ്രശ്‌നമാണിത്. ഇനി ഇത്തരം വീഴ്ചകള്‍ ഇല്ലാതിരിക്കാന്‍ സംഘാടകര്‍ ഇടപെട്ട് പരിശോധന നടത്തണം. അരമണിക്കൂര്‍ വെയിലത്തു   നിര്‍ത്തി എന്തു സമഗ്രം പറഞ്ഞാലും ജനം അംഗീകരിക്കില്ലെന്നു സംഘാടകര്‍ ഓര്‍ക്കണമെന്നും മുഖ്യമന്ത്രി പറഞ്ഞു.