വേങ്ങാട്: വേങ്ങാട് ഉറൂസെ ഉപ്പാവയ്ക്കു തന്നെ കൊണ്ടുവന്നതു തെറ്റിദ്ധരിപ്പിച്ചെന്നു പാണക്കാട് സയ്യിദ് ബഷീറലി ശിഹാബ് തങ്ങള്‍. വേങ്ങാട് മഹല്ല് മുസ്‌ലിം ജമാഅത്ത് കമ്മിറ്റി നടത്തിയ ത്വരീഖത്ത് വിശദീകരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കാലങ്ങളായി സമസ്തയും വിവിധ മുസ്‌ലിം സംഘടനങ്ങളും എതിര്‍ത്തു പോന്നിരുന്ന വേങ്ങാട് ത്വരീഖത്ത് കേന്ദ്രത്തില്‍ തങ്ങള്‍ പങ്കെടുത്തത് ഏറെ വിവാദമായിരുന്നു. ഇതിനെ തുടര്‍ന്നാണു വേങ്ങാട് മഹല്ല് കമ്മിറ്റി വിശദീകരണ യോഗം സംഘടിപ്പിച്ചത്. അബ്ദുറഹ്മാന്‍ കല്ലായി അധ്യക്ഷനായി. എം.ടി അബൂബക്കര്‍ ദാരിമി, സലീം ഫൈസി ഇര്‍ഫാനി, മുസ്തഫ ഹൈത്തമി, സിദ്ദീഖ് ഫൈസി വെണ്‍മണല്‍, മണിയപ്പള്ളി ആബൂട്ടി ഹാജി, കെ.പി ഉസ്മാന്‍ ഹാജി, സി.പി സലീം, സി.പി അബൂബക്കര്‍ ഹാജി, പൊയില്‍ ഹുസൈന്‍, കെ അബ്ദുല്‍ അസീസ് ഹാജി, സലാം ദാരിമി കിണവക്കല്‍ സംസാരിച്ചു.