വൈക്കം: ജപ്പാന്‍ കുടിവെള്ള പദ്ധതിയുടെ പേരില്‍  ചുങ്കം-ടോള്‍-ചാലുകടവ് റോഡ് വീണ്ടും പൊട്ടിപ്പൊളിക്കാനൊരുങ്ങി അധികൃതര്‍. പ്രതിഷേധവുമായി നാട്ടുകാര്‍ രംഗത്ത്. നിലവില്‍ ജപ്പാന്‍കുടിവെള്ള പൈപ്പ്‌ലെന്‍ കടന്നു പോകുന്ന റോഡിന്റെ എതിര്‍വശമാണു കുഴിക്കാനൊരുങ്ങത്.
പൈപ്പിടീലിന്റെ പേരില്‍ 2008- 2012 വരെ നാട്ടുകാരനുഭവിച്ച യാത്രാദുരിതം വീണ്ടും ആവര്‍ത്തിക്കുന്ന അവസ്ഥയാണ് ഇപ്പോള്‍. പൈപ്പിടാനായി വീണ്ടും റോഡ് കുത്തിപ്പൊളിച്ചാല്‍ ചെമ്പ്, മറവന്‍തുരുത്ത്, ഉദയനാപുരം പഞ്ചായത്തുകളിലേയ്ക്കുള്ള വൈക്കം കുടിവെള്ള പദ്ധതിയുടെ പൈപ്പ് ലൈന്‍ തകരാറിലാകും. ഈ ഭാഗത്തുകൂടിയുള്ള വാഹനഗതാഗതം പൂര്‍ണ്ണമായും നിലയ്ക്കുകയും സ്‌കൂളില്‍ പോകുന്ന കുട്ടികളെയും, രോഗികളെയും, യാത്രക്കാരെയും ഇത് പ്രതികൂലമായി ബാധിക്കുമെന്നും നാട്ടുകാര്‍ പറയുന്നു.
  ഒട്ടനവധി ഗുരുതമായ പ്രശ്‌നങ്ങള്‍ ഉണ്ടാകാനുള്ള സാഹചര്യം കണക്കിലെടുക്കാതെ പൈപ്പ് ലൈന്‍ റോഡിന്റെ എതിര്‍ വശത്തിടാനുള്ള ഇടാനുള്ള നീക്കത്തിനെതിരെ ജനകീയ സമരസമിതിയുടെ നേതൃത്വത്തില്‍ ഇന്ന് വൈകിട്ട് മൂന്നിന് മറവന്‍തുരുത്ത് എസ്.എന്‍.ഡി.പി ഹാളില്‍ സമരപ്രഖ്യാപന കണ്‍വന്‍ഷന്‍ നടത്തുമെന്ന് ഭാരവാഹികള്‍ അറിയിച്ചു. കണ്‍വന്‍ഷന്‍ സി.കെ ആശ എം.എല്‍.എ ഉദ്ഘാടനം ചെയ്യും.
മറവന്‍തുരുത്ത് ഗ്രാമപഞ്ചായത്ത് പ്രസിഡന്റ് പി.വി ഹരിക്കുട്ടന്‍ അധ്യക്ഷത വഹിക്കും. വി.ടി പ്രതാപന്‍ സ്വാഗതം ആശംസിക്കും. കെ.എസ് നാരായണന്‍നായര്‍ സമരപ്രഖ്യാപന രേഖ അവതരണം നടത്തും. വൈക്കം ബ്ലോക്ക് പഞ്ചായത്ത് പ്രസിഡന്റ് എം.വൈ ജയകുമാരി, കെ.ആര്‍ ചിത്രലേഖ, സാബു പി. മണലൊടി, ലൈല ജമാല്‍, കെ സെല്‍വരാജ്, കെ.ഡി വിശ്വാനാഥന്‍, പി.വി പ്രസാദ്, പി സുഗതന്‍, കലാ മങ്ങാട്, കെ.ബി രമ, ലീന ഡി. നായര്‍, എസ് അരുണ്‍കുമാര്‍ എന്നിവര്‍ സംസാരിക്കും. ബാബു പൂവനേഴത്ത് കൃതജ്ഞത പറയും. വാര്‍ത്താസമ്മേളനത്തില്‍ വി ഭാസ്‌ക്കരന്‍, ടി.കെ രാജേന്ദ്രന്‍, പി.സി തങ്കരാജ്, ബി രാജേന്ദ്രന്‍, കെ.എസ് ബിജുമോന്‍ എന്നിവര്‍ പങ്കെടുത്തു.