തിരുവനന്തപുരം: കസ്തൂരിരംഗന്‍ ശുപാര്‍ശകളില്‍ കഴിഞ്ഞ സര്‍ക്കാറിന്റെ നിലപാടുതന്നെയാണ് എല്‍ഡിഎഫ് സര്‍ക്കാറിനും ഉള്ളതെന്ന് വനംമന്ത്രി കെ രാജു.


നിയമസഭയിലാണ് അദ്ദേഹം ഇക്കാര്യം പറഞ്ഞത്.


ജനവാസ മേഖലകളും കൃഷിയിടങ്ങളും പരിസ്ഥിതിലോല പ്രദേശങ്ങളില്‍ ഉള്‍ക്കൊള്ളിക്കരുതെന്ന നിലപാടുതന്നെയാണ് സര്‍ക്കാറിനും ഉള്ളത്.

സംസ്ഥാനത്തെ 123 വില്ലേജുകളെ പരിസ്ഥിതിലോല പ്രദേശങ്ങളായി കാണിച്ച് ഹൈക്കോടതിയില്‍ സത്യവാങ്മൂലം നല്‍കിയിരുന്നു. ഇതു സഭ നിര്‍ത്തിവച്ച് ചര്‍ച്ച ചെയ്യണമെന്ന പ്രതിപക്ഷത്തിന്റെ അടിയന്തിരപ്രമേയ നോട്ടിസിന് മറുപടി പറയുകയായിരുന്നു മന്ത്രി.

സത്യവാങ്മൂലം നല്‍കിയത് സര്‍ക്കാറല്ലെന്നും പരിസ്ഥിതി ആഘാത നിര്‍ണയ അതോറിറ്റിയാണെന്നും മന്ത്രി പറഞ്ഞു. കര്‍ഷകരുടെ താല്‍പര്യങ്ങള്‍ സംരക്ഷിക്കാന്‍ സര്‍ക്കാര്‍ പ്രതിജ്ഞാബദ്ധമാണെന്നും മന്ത്രി പറഞ്ഞു.