കൊപ്പം: പട്ടാമ്പി മണ്ഡലം എസ്. വൈ.എസ് കമ്മിറ്റിയുടെ കീഴില്‍ പ്രവര്‍ത്തിക്കുന്ന ഖുര്‍ആന്‍ സ്റ്റഡി സെന്റര്‍ ആമയൂരില്‍ മാസം തോറും നടത്തപ്പെടുന്ന ഖുര്‍ആന്‍ പ്രഭാഷണപ്രചരണാര്‍ഥം സംഘടിപ്പിക്കുന്ന എസ്.വൈ.എസ് ഖുര്‍ആന്‍ പ്രഭാഷണം ഇന്ന് രാത്രി ഏഴിന് നാട്യമംഗലം എ.എം.എല്‍.പി സ്‌കൂളില്‍ നടത്തും. എസ്.വൈ.എസ് പട്ടാമ്പി മണ്ഡലം പ്രസിഡന്റ് സയ്യിദ് അബ്ദുറഹ്മാന്‍ ജിഫ്രി തങ്ങള്‍ വല്ലപ്പുഴ ഉദ്ഘാടനം ചെയ്യും. എസ്.വൈ.എസ് കുലുക്കല്ലൂര്‍ പഞ്ചായത്ത് പ്രസിഡന്റ് ഷാഹുല്‍ ഹമീദ് മുസ്‌ലിയാര്‍ അധ്യക്ഷനാകും.
ജി.എം സ്വലാഹുദ്ധീന്‍ ഫൈസി വല്ലപ്പുഴ മുഖ്യപ്രഭാഷണവും എം.എം ബഷീര്‍ മാസ്റ്റര്‍ ആമുഖഭാഷണവും നടത്തും. സയ്യിദ് ഹസന്‍ തങ്ങള്‍, കുലുക്കല്ലൂര്‍ ഗ്രാമപഞ്ചായത്ത് പ്രസിഡന്റ് മുഹമ്മദ് നൂറുദ്ധീന്‍, പട്ടാമ്പി ബ്ലോക്ക് പഞ്ചായത്ത് മെമ്പര്‍ വി.എം. മുഹമ്മദലി മാസ്റ്റര്‍, മുന്‍ ജില്ലാ പഞ്ചായത്ത് മെമ്പര്‍ ഇ.കെ. മുഹമ്മദ് കുട്ടി ഹാജി, ഇ.പി മമ്മു ഹാജി, ഹംസ ഫൈസി, മുഫത്തിശ് അബ്ദുറഹ്മാന്‍ മുസ്‌ലിയാര്‍, ആലിക്കുട്ടി ഹാജി, സൈതലവി മാസ്റ്റര്‍, സലാം, കെ.അബ്ദുല്‍ കരീം, അഡ്വ. മുഹമ്മദലി മാറ്റാംതടം, അബ്ദുസ്സലാം, ഷിഹാബ് മാസ്റ്റര്‍, സി.കെ. മുഹമ്മദ്, സമദ് മാസ്റ്റര്‍ പ്രസംഗിക്കും.
ഖുര്‍ആന്‍ സ്റ്റഡി സെന്റര്‍ ജനറല്‍ കണ്‍വീനര്‍ കെ.ആരിഫ് ഫൈസി തിരുവേഗപ്പുറ സ്വാഗതവും എസ്.വൈ.എസ് കുലുക്കല്ലൂര്‍ പഞ്ചായത്ത് സെക്രട്ടറി സൈതലവി മുസ്‌ലിയാര്‍ നന്ദിയും പറയും.