ചാവക്കാട്: കടപ്പുറം ആനന്ദവാടിയില്‍ കാറും ഓട്ടോ ടാക്‌സിയും കൂട്ടിയിടിച്ച് വിദ്യാര്‍ഥിയടക്കം മൂന്നുപേര്‍ക്ക് പരുക്ക്. ഡ്രൈവര്‍ മണത്തല ബേബി റോഡ് മണ്ണത്തുംപാടം ഉവൈസ് (32), യാത്രക്കാരായ മണത്തല ബേബി റോഡ് കരിമ്പില്‍ ഹുസൈന്‍ ഭാര്യ ഫാത്തിമ്മ (48), ഫാത്തിമ്മയുടെ മകളുടെ മകളും വാടാനപ്പിള്ളി നടുവില്‍കര പുളിപറമ്പില്‍ ഷാനവാസിന്റെ മകളുമായ ആതില (5) എന്നിവര്‍ക്കാണ് പരുക്കേറ്റത്. മൂവരെയും മുതുവട്ടൂര്‍ രാജ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ എട്ടരയോടെയാണ് അപകടം.
വാടാനപ്പിള്ളി മദര്‍ സ്‌കൂളിലെ ഒന്നാം ക്ലാസ് വിദ്യാര്‍ഥിയായ ആതിലയെ സ്‌കൂള്‍ വാഹനം എത്തുന്ന ആനന്ദവാടിയിലേയ്ക്ക് കൊണ്ടുപോകുന്ന വഴിയിലാണ് അപകടം നടന്നത്. അമിതവേഗതയില്‍ എതിരെ വന്ന കാറാണ് ഓട്ടോ ടാക്‌സിയില്‍ ഇടിച്ചത്. ഓട്ടോ മറിയാതിരുന്നത് അത്യാഹിതമൊഴിവാക്കി. അപകടത്തില്‍ ഇരുവാഹനങ്ങളുടെയും മുന്‍ഭാഗം തകര്‍ന്നു.