പേരാമ്പ്ര: പച്ചതേങ്ങ സംഭരണം പുനരാരംഭിക്കുക, തേങ്ങയുടെ വിലയും കര്‍ഷക പെന്‍ഷന്‍ കുടിശികയും ഉടനെ നല്‍കുക, റബറിന്റെ താങ്ങുവില 200 രൂപയായി ഉയര്‍ത്തുക, വിലസ്ഥിരത ഫണ്ട് നല്‍കുക,പാല്‍ വില 60 രൂപയായി വര്‍ദ്ദിപ്പിക്കുക, വന്യമൃഗ ശല്യത്തിനെതിരേ ശാശ്വത പരിഹാരം കാണുക, ഭൂമി രജിസ്‌ട്രേഷന്‍ ഫീസ് വര്‍ധന പിന്‍വലിക്കുക, വെളിച്ചെണ്ണ, പാം ഓയില്‍ ഇറക്കുമതി നിര്‍ത്തലാക്കുക, തെങ്ങ് പുനരുദ്ധാരണ പദ്ധതി പുനരാരംഭിക്കുക.
 തുടങ്ങിയ ആവശ്യങ്ങള്‍ ഉന്നയിച്ച് കര്‍ഷക കോണ്‍ഗ്രസ് പ്രക്ഷോഭത്തിലേക്ക്. ജില്ലയിലെ പ്രധാന കാര്‍ഷിക മേഖലയായ കുറ്റ്യാടി, പേരാമ്പ്ര, താമരശേരി എന്നിവിടങ്ങളിലെ സര്‍ക്കാര്‍ ഓഫിസുകളിലേക്ക് നവംബര്‍ ഒന്‍പതിന് മാര്‍ച്ചും ധര്‍ണയും നടത്തും.
ജില്ലാ കമ്മിറ്റി യോഗത്തില്‍ പ്രസിഡന്റ് ഐപ്പ് വടക്കേതടം അധ്യക്ഷനായി. ബി.പി റഷീദ് ഉദ്ഘാടനം ചെയ്തു.
പി.കെ ജോസ്, കെ.സി ഇസ്മായിലുട്ടി, മൊയ്തു കോരങ്ങാട്ട്,അഡ്വ.വിജയന്‍ സെബാസ്റ്റ്യന്‍ കണ്ണേഴത്ത്, ജോയി നെടുമ്പള്ളി, പി.സി രാധാകൃഷണന്‍, കുത്താളി ജോസ് കാരിവേലി, ബിജു കണ്ടന്‍തറ, മനോജ് കുമാര്‍, പി.പി ആലിക്കുട്ടി സംസാരിച്ചു.