കൊച്ചി: ആപ്ബാറ്റ് അസോസിയേഷന്‍ സംഘടിപ്പിക്കുന്ന മതസൗഹാര്‍ദ്ദ ക്രിസ്മസ് ആഘോഷങ്ങളുടെ ഭാഗമായി അങ്കമാലി സെ.ജോസഫ്‌സ് സ്‌കൂള്‍ ഗ്രൗണ്ടില്‍ അഖില കേരള പുല്‍ക്കൂട് മത്സരം നടത്തപ്പെടുന്നു.
സെ. ജോസഫ് സ്‌കൂളില്‍ ഡിസംബര്‍ 21 മുതല്‍ നടക്കാനിരിക്കുന്ന നോഹയുടെ പെട്ടക പ്രദര്‍ശന നഗരിയിലാണ് ഈ മത്സരം നടക്കുന്നത്.
നാനൂറ് സ്‌ക്വയര്‍ ഫീറ്റിലൊരുക്കുന്ന 50 പുല്‍ക്കൂടുകളാണ് ഇവിടെ മാറ്റുരയ്ക്കുന്നത്.
 പ്രാദേശിക മത്സരങ്ങളില്‍ മികവു തെളിയിച്ചവര്‍ക്ക് ഈ മത്സരത്തില്‍ മുന്‍ഗണനയുണ്ടായിരിക്കും.
ജാതി മത ഭേദമെന്യേ ക്ലബ്ബുകള്‍ക്കും സംഘടനകള്‍ക്കും വ്യക്തികളുടെ നേതൃത്വത്തിലുള്ള ഗ്രൂപ്പുകള്‍ക്കും സ്ഥാപനങ്ങള്‍ക്കും ഈ മത്സരത്തില്‍ പങ്കെടുക്കാവുന്നതാണ്.
ആദ്യം പേരു നല്‍കുന്നവരില്‍ നിന്ന് കഴിവിന്റെ അടിസ്ഥാനത്തിലാണ് 50 ടീമുകളെ തിരഞ്ഞെടുക്കുക.
അപേക്ഷിക്കുന്നവര്‍ അവര്‍ മുമ്പ് ഉണ്ടാക്കിയിട്ടുള്ള പുല്‍ക്കൂടുകളുടെ ഫോട്ടോ അപേക്ഷയോടൊപ്പം സമര്‍പിക്കേണ്ടതാണ്. 5,000 രൂ റീഫണ്ടബിള്‍ ഡെപോസിറ്റോടു കൂടി ഡിസംബര്‍ 10നു മുമ്പായി പ്രസ്തുത അപേക്ഷാഫോമില്‍ അപേക്ഷിക്കേണ്ടതാണ്. നിബന്ധനകള്‍ക്കും കൂടുതല്‍ വിവരങ്ങള്‍ക്കും 9400190421, 9562253093 എന്നീ വാട്‌സപ്പ് നമ്പറുകളില്‍ ബന്ധപ്പെടുക.