പെരുമ്പാവൂര്‍: പ്ലാസ്റ്റിക് കവറില്‍ പൊതിഞ്ഞ നിലയില്‍ ബോംബെന്ന് സംശയിക്കുന്ന വസ്തു കണ്ടെടുത്തു.
കൂവപ്പടി ഗണപതി വിലാസം ഹൈസ്‌ക്കൂളിന് സമീപം ഇടവൂര്‍ റോഡില്‍ ഒരു കടയുടെ സമീപം മാലിന്യ കൂമ്പാരത്തിന് മുകളില്‍ നിന്നാണ് പ്ലാസ്റ്റിക് കവറില്‍ പൊതിഞ്ഞ നിലയില്‍ ബോംബെന്ന് സംശയിക്കുന്ന വസ്തു കണ്ടെത്തിയത്.
നാട്ടുകാര്‍ നല്‍കിയ വിവരത്തിന്റെ അടിസ്ഥാനത്തില്‍ പൊലീസ് സംഘം സ്ഥലത്തെത്തി പരിശോധന നടത്തി. നാടന്‍ ബോംബിന്റെ തിരിയില്‍ ഭദ്രമായി തമിഴ് പേപ്പറില്‍ പൊതിഞ്ഞ നിലയിലാണ് സൂക്ഷിച്ചിരുന്നത്. പൊലീസ് ഇത് നീക്കം ചെയ്ത് കോടനാട് പൊലീസ് സ്റ്റേഷനില്‍ ബക്കറ്റില്‍ മണല്‍ നിറച്ച് അതില്‍ സൂക്ഷിച്ചിരിക്കുകയാണ്. ബോംബ് സ്‌ക്വാഡെത്തി പരിശോധന നടത്തിയാല്‍ മാത്രമേ വ്യക്തമായി വിവരങ്ങള്‍ അറിയാന്‍ സാധിക്കൂ.