ന്യൂഡല്‍ഹി: ശുദ്ധവായുവില്ലാതെ ഡല്‍ഹിയില്‍ ജനജീവിതം തടസപ്പെടുന്നു. ദീപാവലിക്കുശേഷം വായുമലിനീകരണത്തോത് വര്‍ധിച്ചിരിക്കുകയാണെന്നും ഇത് അപകടകരമായ രീതിയിലേക്ക് ഉയര്‍ന്നിരിക്കുകയാണെന്നും ഡല്‍ഹി സര്‍ക്കാര്‍ അറിയിച്ചു.
മൂടല്‍മഞ്ഞ് കണക്കിന് അന്തരീക്ഷത്തില്‍ വിഷവാതകം കെട്ടിക്കിടക്കുകയാണ്. അന്തരീക്ഷമലിനീകരണം വര്‍ധിച്ചിരിക്കുകയാണെന്നും ലോകാരോഗ്യ സംഘടന വിഭാവനം ചെയ്യുന്ന പരിധിയേക്കാള്‍ വര്‍ധിച്ചിരിക്കുകയാണെന്നും സര്‍ക്കാര്‍ മുന്നറിയിപ്പു നല്‍കുന്നു.
തലസ്ഥാന നഗരിയിലെ ആറിടങ്ങളിലായി മലിനീകരണ നിയന്ത്രണ കമ്മിറ്റി നിരീക്ഷണം നടത്തികൊണ്ടിരിക്കുകയാണ്. അന്തരീക്ഷ മലിനീകരണതോത് രാജ്യത്ത് കണക്കാക്കുന്നതിനേക്കാള്‍ ഏഴിരട്ടിയോളമാണ് ഡല്‍ഹിയില്‍ ഇപ്പോഴുള്ളത്. ഇപ്പോള്‍ ഗ്യാസ് ചേംബറിനകത്തുപെട്ടതുപോലെയുള്ള അവസ്ഥയാണ് ഡല്‍ഹിയിലുള്ളതെന്ന് മലിനീകരണ നിയന്ത്രണ ബോര്‍ഡ് അറിയിച്ചു. മലനീകരണം കുറക്കുന്നതിനുള്ള അടിയന്തര നടപടികള്‍ സര്‍ക്കാര്‍ നേതൃത്വത്തില്‍ തുങ്ങിയിട്ടുണ്ട്..